ரணில் தலைமையிலான அரசாங்கம்: கடுமையாக விமர்சித்த தூதுவர்

Ranil Wickremesinghe Government Of Sri Lanka Palestine

By Dilakshan Dec 09, 2023 09:16 PM GMT

Dilakshan

in அரசியல்

Report

அதிபர் ரணில் விக்ரமசிங்க தலைமையிலான அரசாங்கத்தை இலங்கைக்கான பலஸ்தீன தூதுவர் கலாநிதி சுஹைர் எம்.எச். ஸைட் கடுமையாக விமர்சித்துள்ளார்.

நாடாளுமன்றத்தில் இடம்பெற்ற பலஸ்தீன நாடாளுமன்ற நட்புறவுச் சங்கத்தின் கூட்டமொன்றின் போதே அவர் அவ்வாறு விமர்சித்துள்ளார்.

குறித்த கூட்டமானது, பலஸ்தீன நாடாளுமன்ற நட்புறவுச் சங்கத்தின் தலைவர் இராஜாங்க அமைச்சர் கலாநிதி. சுரேன் ராகவன் தலைமையில் நடைபெற்றுள்ளது.

பலஸ்தீன, இஸ்ரேல் மோதல்

இந்தக் கூட்டத்தில் இலங்கைக்கான பலஸ்தீன தூதுவர் கலாநிதி சுஹைர் எம்.எச். ஸைட்டும் பங்கேற்றதோடு ரணில் தலைமையிலான அரசாங்கத்திற்கு கடுமையானவிமர்சனங்களை மேற்கொண்டுள்ளார்.

ரணில் தலைமையிலான அரசாங்கம்: கடுமையாக விமர்சித்த தூதுவர் | Palestine Ambassador Sri Lanka Harshly Criticized

அதன் போது அவர் கூறியதாவது, இலங்கையின் நாடாளுமன்றத்தில் பலஸ்தீன, இஸ்ரேல் மோதல் சம்பந்தமாக வாதப்பிரதிவாதங்கள் நடைபெற்றன, தீர்மானங்களும் நிறைவேற்றப்பட்டுள்ளன.

இதனைவிடவும், பலஸ்தீன விடுதலைப் போராட்டத்துக்கு தொடர்ச்சியாக ஆதரவளித்து வரும் நாடுகளில் இலங்கையும் ஒன்றாக உள்ளது.

அத்துடன், பலஸ்தீன மக்களின் பிரச்சினைகள் தொடர்பாகவும் இலங்கை அரசாங்கம் பல்வேறு தருணங்களில் குரல் எழுப்பியுள்ளது, அவ்வாறான நிலையில் தற்போது மிகவும் நெருக்கடியான சூழலொன்று காணப்படுகின்றது.

உண்மையான கரிசனை

ஆனால் இலங்கை அரசாங்கம் தற்போது நாடாளுமன்றத்தில் தீர்மானத்தினை நிறைவேற்றினாலும் அதற்கு அப்பால் இருதரப்பு உறவுகளை வலுப்படுத்தும் வகையில் எவ்விதமான செயற்பாடுகளும் முன்னெடுக்கப்படவில்லை.

விசேடமாக, உள்நாட்டில் பலஸ்தீனுக்கு ஆதரவாக முன்னெடுக்கப்படும் போராட்டங்களும் திட்டமிட்ட வகையில் மழுங்கடிக்கப்படுவதோடு அப்போராட்டங்களை முன்னெடுப்பதற்கான சுதந்திரங்கள் வழங்கப்படாத சூழலும் அவற்றை ஆரம்பத்திலேயே தடுத்துவிடுகின்ற நிலைமைகளும் அதிகமாக உள்ளன.

ஆகவே, பலஸ்தீன மக்கள் மீதான உண்மையான கரிசனைகளை வெளிப்படுத்தும் இலங்கை அரசாங்கம் அதற்கு பிரதிபலிக்க வேண்டும், எனினும், எவ்விதமான எதிர்பார்ப்புக்களையும் நாம் எதிர்பார்க்கவில்லை” என்றதுடன் கூட்டத்தை விட்டு வெளியேறியுள்ளார்.