தமிழரசுக் கட்சி இம்முறை மண்கௌவியே தீரும்! சுமந்திரனே முதலாவது காரணம்!!
இம்முறை நடைபெற இருக்கின்ற நாடாளுமன்றத் தேர்தலில் தமிழரசுக கட்சி நிச்சயம் மண் கௌவும் என்பதே பெரும்பாண்மையான தமிழ் மக்களின் உறுதியான நம்பிக்கையாக இருக்கின்றது.
‘மக்களின் விருப்பத்தை விட்டு ஒரு கட்சி விலகிச்சென்றால் அந்தக் கட்சியை மக்கள் எப்படித் தோற்கடித்துப் பாடம் புகட்டுவார்கள் என்பதற்கு தமிழரசுக் கட்சியின் தோல்வி ஒரு பாடமாக இருக்கவேண்டும்’ என்பதே, எம்முடன் பேசிய பலரது கருத்தாக இருந்துவருகின்றது.
‘பதவிக்காகவும் சலுகைளுக்காகவும் மக்களைப் பலிக்கடாவாக்கிய தலைவர்கள், கட்சி செயற்பட முடியாதவாறு கட்சித் தலைவர்களில் சிலரே கட்சியை முடக்கியது, கட்சியின் உள்ளேயான சர்வாதிகாரம், பேரினவாதத்திற்கு வெள்ளையடித்தது, பார் பெர்மிட் சர்ச்சைகள், தமிழ் தேசியத்துக்கு எதிராக நிலைப்பாடு எடுத்தது என்று ஆயிரம் குற்றச்சாட்டுக்களை தமிழரசுக் கட்சியின் தலைமை மீது சுமத்திவருகின்றார்கள் வடக்கு கிழக்கு வாழ் தமிழர்கள்.
‘தென்னிலங்கை ஆட்சிக்கும், கொழும்பிலுள்ள தூதராலயங்களுக்கும் புரோக்கர்வேலை பார்க்கும் இந்தத் தமிழரசுக்கட்சிக்கு இம்முறை ஒரு பாடம் படிப்பிக்கவேண்டும்’ என்று கூறினார் ஒரு ஆசிரியர்.
‘தமிழரசுக் கட்சி இந்த அளவுக்கு தமிழ்மக்களால் வெறுப்புடன் பார்க்கப்படுவதற்கு சுமந்திரனும், அவரது எதேச்சாதிகாரப் போக்குமே பிரதான காரணம்’ என்று கூறுகின்றார் கட்சியின் ஒரு யாழ் மாவட்ட உறுப்பினர்.
‘தமிழரசுக் கட்சியில் இருக்கின்ற விரல்விட்டு எண்ணக்கூடிய ஒருசில தலைவர்களுக்காகவென்று நாம் வாக்குப்போட்டாலும், அது கடைசியில் சுமந்திரனுக்கே சென்று சேர்ந்து- கடைசிப்பயனை அவரே அடைவார் என்பதால், ஒட்டுமொத்தமாகவே தமிழரசுக் கட்சியை தமிழ் மக்கள் புறக்கணிக்கவேண்டும்’ என்று தமிழரசுக் கட்சியின் தீவிர ஆதரவாளர் ஒருவர் கூறினார்.
‘தமிழரசுக் கட்சி தமிழ் தேசியவாதிகளின் கைகளைவிட்டுச் சென்று நீண்ட நாட்களாகிவிட்டன. சுமந்திரன், சாணக்கியன் போன்ற தமிழ் மண்ணுக்குப் பரிட்சயமில்லாத கொழும்பு, ஒஸ்ரேலிய இறக்குமதிகளின் கைகளுக்குள் சென்றுவிட்டது. எனவே தமிழ் மக்களின் சொத்தான தமிழரசுக் கட்சியை மீட்டெடுக்கவேண்டுமானால், இம்முறை தமிழரசுக் கட்சியை மண்கௌவவைத்து, சில புல்லுருவிகளை வெளியேற்றினால் மாத்திரம்தான் அது சாத்தியம்’ என்று தெரவித்தார் தமிழரசுக் கட்சியின் முன்னாள் நடாளுமன்ற உறுப்பினர் ஒருவர்.
களத்தில் உள்ள மக்களின் மனநிலையைப் பார்க்கின்றபோது, தமிழரசுக் கட்சி இம்முறை மிகப் பெரிய தோல்வியைச் சந்தித்துவிடுமோ என்று அஞ்சத் தோன்றுகின்றது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கிழக்கில் தமிழர் இனவழிப்பு:காணாமல் போன அம்பாறை வயலூர் கிராமம் 14 மணி நேரம் முன்
ஹரிணி ஜேவிபிக்கு எதிராக கிளர்ச்சி செய்வாரா?
6 நாட்கள் முன்
கொக்குவில் கிழக்கு, கோண்டாவில் கிழக்கு, Mississauga, Canada
13 Aug, 2020
புங்குடுதீவு 6ம் வட்டாரம், Toronto, Canada, வவுனியா, கொட்டாஞ்சேனை
09 Sep, 2021
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021