வசந்த முதலிகேவை மீண்டும் சிறையில் அடைக்க காவல்துறை தீவிர முயற்சி

Police spokesman Sri Lanka Police Galle Face Protest Sri Lanka Prevention of Terrorism Act

By Sumithiran Feb 02, 2023 10:38 PM GMT

Sumithiran

in அரசியல்

Report

பல்கலைக்கழகங்களுக்கு இடையிலான மாணவர் பேரவையின் அழைப்பாளர் வசந்த முதலிகேவுக்கு எதிராக பயங்கரவாதத் தடைச் சட்டத்தின் கீழ் சுமத்தப்பட்டுள்ள குற்றச்சாட்டுகளுக்கு எதிராக மேன்முறையீடு செய்ய காவல்துறையினர் தீர்மானித்துள்ளனர்.

அதன்படி, கொழும்பு பிரதான நீதவான் வழங்கிய உத்தரவு தொடர்பில் தற்போதுள்ள சட்ட விதிகளுக்கு அமைய மேன்முறையீட்டு மனுவை சமர்ப்பிக்குமாறு காவல்துறை தலைமையகம் இன்று (02) சட்டமா அதிபரிடம் கோரிக்கை விடுத்துள்ளதாக காவல்துறை ஊடகப் பேச்சாளர் அலுவலகம் அறிவித்துள்ளது.

கொலை செய்ய முயற்சி

வசந்த முதலிகேவை மீண்டும் சிறையில் அடைக்க காவல்துறை தீவிர முயற்சி | Police Are Trying Hard To Jail Vasantha Mudalike

இதேவேளை, தான் கைது செய்யப்பட்டதன் பின்னர் பல உயர் காவல்துறை அதிகாரிகள் திட்டமிட்டு தம்மை கொலை செய்ய முயற்சித்ததாக பல்கலைக்கழகங்களுக்கு இடையிலான மாணவர் பேரவையின் அழைப்பாளர் வசந்த முதலிகே தெரிவித்துள்ளார்.

இன்று (02) பிற்பகல் இடம்பெற்ற விசேட ஊடகவியலாளர் சந்திப்பொன்றின் போதே அவர் இதனைத் தெரிவித்தார்.

நீதவானின் உத்தரவு

இதனிடையே வசந்த முதலிகேவிற்கு எதிராக காவல்துறையினர் தாக்கல் செய்த பயங்கரவாதத் தடைச் சட்டத்தின் கீழ் சுமத்தப்பட்டுள்ள குற்றச்சாட்டுகளுக்கு எவ்வித ஆதாரமும் இல்லை என தெரிவித்த நீதவான் அவரை விடுவித்திருந்தமை குறிப்பிடத்தக்கது.

மேலும் இது தொடர்பான செய்திகளைப் படிக்க இங்கே கிளிக் செய்யவும்