காருக்குள் கஞ்சாவை வைக்க முயன்ற காவல்துறை உத்தியோகத்தருக்கு நேர்ந்த கதி
காவல்துறை போக்குவரத்து சோதனையின் போது காருக்குள் கஞ்சாவை வைத்து இளைஞர்கள் குழுவை கைது செய்ய முயன்றதாக சமூக ஊடகங்களில் பரவிய காணொளியில் உள்ள காவல்துறை கான்ஸ்டபிள் பணி இடை நீக்கம் செய்யப்பட்டுள்ளார்.
கொழும்பு தெற்கு சிரேஷ்ட காவல்துறை அத்தியட்சகரின் உத்தரவிற்கு அமைய, குறித்த கான்ஸ்டபிள் பணி இடைநிறுத்தப்பட்டுள்ளார்.
காணொளி
இந்த கான்ஸ்டபிள் கொள்ளுப்பிட்டி காவல் நிலையத்தில் கடமையாற்றியவர் என்பதுடன் அவரும் மற்றுமொரு அதிகாரிகள் குழுவும் ஆனந்த குமார சுவாமிக்கும் கேர்ணல் டி.ஜெயா மாவத்தைக்கும் இடைப்பட்ட பகுதியில் கடமைகளில் ஈடுபட்டிருந்த போதே இந்த சம்பவம் இடம்பெற்றுள்ளது.
சம்பந்தப்பட்ட காவல்துறை கான்ஸ்டபிள், காரில் கஞ்சா போதைப்பொருளை வைத்து சோதனையிடப்பட்டு அந்த காரில் வந்தவர்களை கைது செய்ய முயன்றதாக கூறப்படுகிறது.
இந்த சம்பவத்தை காரில் வந்தவர்கள் காணொளி எடுத்து சமூக வலைதளங்களில் வெளியிட்டு, காவல்துறை கான்ஸ்டபிள் மீது குற்றம்சாட்டப்பட்டது.
மேலதிக விசாரணை
இதன்படி, உத்தியோகபூர்வ ஆடைகளை அணிந்து வெற்றிலை பாக்கு உண்டமை, சாரதி அல்லது வாகனத்தில் பயணிக்காத வேறு நபர் மற்றும் உதவி உத்தியோகத்தர் இல்லாமல் வாகனத்தை சோதனை செய்தமை போன்ற பல குற்றச்சாட்டுகளின் கீழ் இந்த காவல்துறை கான்ஸ்டபிள் பணி இடைநிறுத்தம் செய்யப்பட்டுள்ளதாக தெரிவிக்கப்படுகிறது.
சம்பவம் தொடர்பான மேலதிக விசாரணைகளை கொள்ளுப்பிட்டி காவல்துறையினர் மேற்கொண்டு வருகின்றனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
