காவல்துறையினரால் தடுத்து வைக்கப்பட்டிருந்த இளைஞனுக்கு நேர்ந்த அவலம்
போதைப்பொருள் வைத்திருந்த குற்றச்சாட்டில் கைதுசெய்யப்பட்ட இளைஞர் ஒருவர் காவல் நிலைய சிறைக்கூண்டில் தடுத்து வைக்கப்பட்டிருந்தபோது சுகயீனமடைந்து உயிரிழந்துள்ளதாக அநுராதபுரம் காவல்துறையினர் தெரிவித்துள்ளனர்.
குறித்த இளைஞனும் மேலும் மூன்று இளைஞர்களும் நேற்று(30) போதைப்பொருள் தடுப்புப் பிரிவினரால் அநுராதபுரத்தில் வைத்து கைது செய்யப்பட்டு காவல்நிலையத்தில் தடுத்து வைக்கப்பட்டிருந்தனர்.
காவல்துறையினரின் விசாரணை
இந்நிலையிலே குறித்த இளைஞன் சுகயீனமடைந்து அநுராதபுரம் போதனா வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.
இச் சம்பவத்தில் அநுராதபுரத்தைச் சேர்ந்த ஷானுக கிஹான் மரம்பகே என்ற 22 வயதுடையவரே உயிரிழந்துள்ளார்.
குறித்த இளைஞன் போதைப்பொருள் வைத்திருந்த குற்றச்சாட்டில் இரண்டாவது தடவையாகவும் கைது செய்யப்பட்டதாக காவல்துறையினர் தெரிவிக்கின்றனர்.
இந்தச் சம்பவம் தொடர்பான மேலதிக விசாரணைகளை காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
