கொழும்பில் முறைகேடான மணல் பாவனை... சீன நிறுவனமொன்றிற்கு எதிராக வலுக்கும் குற்றச்சாட்டு!
சீனத் துறைமுக பொறியியல் நிறுவனம், கட்டுமான மணலினை தவறாகப் பயன்படுத்தப்படுவதாக அண்மையில் நிறுவனத்திற்கு எதிராக குற்றச்சாட்டுகள் முன்வைக்கப்பட்டுள்ளது.
கடந்த பெப்ரவரி 25 ஆம் திகதி, கொழும்பு துறைமுக நகரத் திட்டத்தில், இரண்டு முனையங்களை நிர்மாணிப்பதில், அங்கீகரிக்கப்படாத கட்டுமானப் பொருட்களைப் பயன்படுத்தியதாகக் கூறப்படும் குற்றச்சாட்டை முன்னிலை சோசலிஸ்ட் கட்சியின் கல்விச் செயலாளர் புபுது ஜாகொட முன்வைத்திருந்த நிலையில், இந்த குற்றச்சாட்டுகள் தொடர்பான அறிக்கை ஒன்றினை இன்று (01) நிறுவனம் வெளியிட்டுள்ளது.
மேலும், இலங்கையில் துறைமுக நகரத்தை நிர்மாணிப்பது தொடர்பான கவலைகளை எழுப்பினார், திட்டத்திற்காக ஒப்பந்தம் செய்யப்பட்ட சீன நிறுவனத்தால் நிர்மாணப் பொருட்களை கொள்வனவு செய்தல் மற்றும் பயன்படுத்துவதில் முறைகேடுகள் இடம்பெற்றுள்ளதாக முன்னணி சோசலிசக் கட்சியின் கல்விச் செயலாளர் புபுது ஜாகொட தெரிவித்தார்.
காணொளி ஆதாரம்
கிழக்கு கொள்கலன் முனையம் மற்றும் ஜெயா கொள்கலன் முனையத்தை நிர்மாணிக்கும் பணியில் ஈடுபட்டுள்ள சீன நிறுவனம், சந்தேகத்திற்குரிய நடைமுறைகளில் ஈடுபட்டுள்ளதாக ஜாகொட வலியுறுத்தியுள்ளார்.
நிறுவனம் துறைமுக நகர பகுதியில் இருந்து கொழும்பு துறைமுகத்திற்கு கடல் மணலைக் கொண்டு செல்வதாகக் கூறப்படுகிறது, துறைமுக நகரத்தின் மணல் குவியல்களில் இருந்து டிப்பர் லொறிகளில் மணல் ஏற்றப்பட்டு விதிமுறைகள் மற்றும் சோதனைகளைத் தவிர்த்து தேவையான அனுமதிகளைப் பெறாமல் துறைமுகத்திற்குள் நுழைவதை சித்தரிக்கும் காணொளி ஆதாரம் தன்னிடம் இருப்பதாகவும் அவர் கூறுகிறார்.
மேலும், முதலில் துறைமுக நகரத்தின் நிர்மாணத்திற்காக உத்தேசிக்கப்பட்ட மணல், அதற்குப் பதிலாக கொழும்பு துறைமுகத்தின் அபிவிருத்திக்கு பயன்படுத்தப்படுவதாகவும் அவர் குற்றம் சுமத்தியுள்ளார்.
அதன்படி, ஒவ்வொரு மாதமும் சுமார் 4000 மணல் கனசதுரங்கள் துறைமுக நகரத்திலிருந்து கொழும்பு துறைமுகத்திற்கு கொண்டு செல்லப்படுவதாகவும், இதன் பெறுமதி 90 மில்லியன் இலங்கை ரூபாய் எனவும் ஜாகொட மேலும் குறிப்பிட்டுள்ளார்.
முறையான விசாரணை
இந்நிலையில், இந்த விடயங்களில் கொழும்பு துறைமுக பாதுகாப்பு திணைக்களம் ஏன் தலையிடவில்லை என முன்னிலை சோசலிசக் கட்சியின் கல்விச் செயலாளர் கேள்வி எழுப்பியதோடு, துறைமுக நகரம் மற்றும் கொழும்புத் துறைமுகத் திட்டங்களுக்கான நிர்மாணப் பொருட்களை கொள்வனவு செய்தல் மற்றும் கொண்டு செல்வது தொடர்பான விதிமுறை மீறல்கள் தொடர்பில் விசாரணை நடத்தப்பட வேண்டும் என்றும் கோரியுள்ளார்.
எவ்வாறாயினும், இது குறித்து முறையான விசாரணை விரைவில் தொடங்கப்படும் என்று அவர் உறுதியளித்தார்.
இது தொடர்பில் நிறுவனம் விளக்கமளிக்கையில் எந்தவிதமான நெறிமுறையற்ற அல்லது சட்ட விரோதமான செயற்பாடுகளும் இடம்பெறவில்லை என தெரிவித்துள்ளது.
இந்த விவகாரம் தொடர்பான முழுமையான விசாரணை நடத்த நடவடிக்கை எடுத்துள்ளதாகவும், இந்த விசாரணையின் முடிவுகள் அந்தந்த அதிகாரிகளுக்குக் கிடைக்கும் என்றும், தேவைப்பட்டால் உடனடி நடவடிக்கை எடுக்கப்படும் என்றும் இதன்போது நிறுவனத்தின் அனைத்து பங்குதாரர்களுக்கும் உறுதியளித்திருந்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
