மீண்டும் ஆரம்பமாகும் ஊடகவியலாளர் பிரகீத் எக்னெலிகொட வழக்கு...! விடுக்கப்பட்ட உ்ததரவு
ஊடகவியலாளர் பிரகீத் எக்னெலிகொட கடத்தப்பட்டு காணாமலாக்கப்பட்டமை தொடர்பாகச் சட்டமா அதிபரால் தாக்கல் செய்யப்பட்ட வழக்கின் விசாரணைகள் மீண்டும் ஆரம்பிக்கப்படவுள்ளன.
கொழும்பு மேல் நீதிமன்றத்தின் மூவரடங்கிய நீதியரசர்கள் குழு இந்தத் தீர்மானத்தை எடுத்துள்ளது.
குறித்த வழக்கு முன்னர் நாமல் பலல்லே, மஹேன் வீரமன் மற்றும் சுஜீவ நிஸ்சங்க ஆகிய நீதிபதிகள் அடங்கிய மூவரடங்கிய குழு முன்னிலையில் விசாரணைக்கு எடுத்துக்கொள்ளப்பட்டது.
ஒழுக்காற்று விசாரணை
இருப்பினும், நீதியரசர் நாமல் பலல்லே ஒழுக்காற்று விசாரணை காரணமாகப் பணி இடைநிறுத்தம் செய்யப்பட்டதாலும் மற்றும் நீதியரசர் மஹேன் வீரமன் ஓய்வு பெற்றதாலும் இவ்வழக்கு விசாரணை பல மாதங்களாகத் தடைப்பட்டிருந்தது.
இதனையடுத்து, இந்த வழக்கை விசாரணை செய்வதற்காகப் பிரதம நீதியரசர் ப்ரீதி பத்மன் சூரசேனவினால் புதிய மூவரடங்கிய நீதியரசர்கள் குழு பெயரிடப்பட்டது.
இதனடிப்படையில், நயனா செனவிரத்ன, நளின் ஹேவாவசம் மற்றும் லக்மாலி ஹேவாவசம் ஆகிய மேல் நீதிமன்ற நீதிபதிகள் முன்னிலையில் இந்த வழக்கு நேற்று (04-05-2026) விசாரணைக்கு அழைக்கப்பட்டுள்ளது.
இந்த வழக்கு முன்னர் கொழும்பு புதுக்கடை நீதிமன்ற வளாகத்தில் விசாரிக்கப்பட்ட போதிலும் நேற்று அது கொழும்பு விஜேராம மாவத்தையில் அமைந்துள்ள முன்னாள் அமைச்சர் கெஹலிய ரம்புக்வெல்ல வசித்த உத்தியோகபூர்வ இல்லத்தில் அமைக்கப்பட்டுள்ள நீதிமன்றத்தில் விசாரணைக்கு எடுத்துக்கொள்ளப்பட்டது.
சாட்சியாளர்களுக்கு அழைப்பாணை
இந்தநிலையில் நேற்று வழக்கு அழைக்கப்பட்ட போது அதனை எதிர்வரும் மே மாதம் எட்டாம் திகதி முதல் வாராந்தம் விசாரணைக்கு எடுக்க நீதியரசர்கள் குழு தீர்மானித்தது.
அத்தோடு அன்றைய தினம் நீதிமன்றத்தில் முன்னிலையாகுமாறு இரு சாட்சியாளர்களுக்கு அழைப்பாணை விடுக்கவும் உத்தரவிடப்பட்டுள்ளது.
2010 ஆம் ஆண்டு ஜனவரி 24 ஆம் திகதி முதல் 27 ஆம் திகதி வரையான காலப்பகுதிக்குள் ஊடகவியலாளர் பிரகீத் எக்னெலிகொட கடத்தப்பட்டு காணாமலாக்கப்பட்டமை தொடர்பில் கடந்த நல்லாட்சி அரசாங்க காலத்தில் சட்டமா அதிபரால் இந்த வழக்கு தாக்கல் செய்யப்பட்டது.
இவ்வழக்கின் பிரதிவாதிகளாக இலங்கை இராணுவத்தின் கிரித்தலை முகாமின் கட்டளை அதிகாரியாகப் பணியாற்றிய கேர்னல் ஷம்மி அர்ஜுன குமாரரத்ன உள்ளிட்ட இராணுவப் புலனாய்வுப் பிரிவின் ஒன்பது உறுப்பினர்கள் பெயரிடப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023