அதிபர் தேர்தலை பிற்போட முடியாது: மகிந்த தேசப்பிரிய கண்டனம்
''அடுத்த வருடத்திற்கான அதிபர் தேர்தலை தொடர்ந்து பிற்போட முடியாது'' என எல்லை நிர்ணய ஆணைக்குழுவின் தலைவர் மகிந்த தேசப்பிரிய தெரிவித்துள்ளார்.
கொழும்பிலுள்ள ஊடகமொன்றுக்கு கருத்து தெரிவிக்கும் போதே அவர் இதனை தெரிவித்துள்ளார்.
இது தொடர்பில் மேலும் கருத்து தெரிவித்த அவர், “உள்ளூராட்சி சபைத் தேர்தலை ஒத்திவைப்பதில் எல்லை நிர்ணய ஆணைக்குழுவின் அறிக்கை எவ்வித தாக்கத்தையும் ஏற்படுத்தவில்லை.
அதிபர் தேர்தல்
மக்கள் பிரதிநிதிகளை நியமிக்காமல் அதிகாரவர்க்கத்தின் கட்டுப்பாட்டின் கீழ் மாகாணசபைகளை தொடர்ந்து நடத்துவது நாட்டின் ஜனநாயத்திற்கு மரண அடியாகும்.
அரசியலமைப்பில் திருத்தங்களை மேற்கொள்வதைத் தவிர வேறு எந்த வகையிலும் அடுத்த வருடம் நடைபெறவுள்ள அதிபர் தேர்தலை பிற்போடுவதற்கான சாத்தியக்கூறுகள் இல்லை.
அதிபர் தேர்தலை தொடர்ந்து பிற்போட முடியாது. 2024 ஆம் ஆண்டு செப்டெம்பர் மாதம் 17 ஆம் திகதி முதல் ஒக்டோபர் மாதம் 17 ஆம் திகதி வரையான காலப்பகுதியில் அதிபர் தேர்தலை நடத்த வேண்டும்.“ என தெரிவித்தார்.
