ஜனாதிபதி அனுரவிற்கு சென்ற இரகசிய அறிக்கை : அம்பலப்படுத்திய உதய கம்மன்பில

இரண்டு வாரங்களுக்கு முன்பு ஒரு தனியார் அமைப்பால் அரசாங்கம் நடத்திய கணக்கெடுப்பின்படி, அரசாங்கத்தின் வாக்காளர் எண்ணிக்கை 24.7 சதவீதமாகக் குறைந்துள்ளது என்று பிவித்துரு ஹெல உறுமய தலைவரும் முன்னாள் அமைச்சருமான உதய கம்மன்பில தெரிவித்துள்ளார்.

ஜேவிபி தெற்கிலும் புலிகள் வடக்கிலும் இருந்த 1989 ஆம் ஆண்டு காலத்திலும் கூட ஒத்திவைக்கப்படாத மாகாண சபைத் தேர்தல்களை டித்வா புயலின் சாக்கில், ஒத்திவைக்க அரசாங்கம் தயாராகி வருவதற்கான காரணம் இதுதான் என்று அவர் வலியுறுத்தினார்.

அரசாங்கத்திற்கு விடுக்கப்பட்ட சவால்

சம்பந்தப்பட்ட கணக்கெடுப்பு குறித்து தான் கூறியது பொய்யானால், ஒரு மாதத்திற்குள் மாகாண சபைத் தேர்தலை அறிவித்து காண்பிக்குமாறு அரசாங்கத்திற்கு சவால் விடுப்பதாகவும் உதய கம்மன்பில கூறினார்.

நவம்பர் 2024 பொதுத் தேர்தலில் 6.9 மில்லியன் வாக்குகளைப் பெற்ற திசைகாட்டி, ஆறு மாதங்களுக்குப் பிறகு நடைபெற்ற உள்ளூராட்சித் தேர்தலில் 4.5 மில்லியன் வாக்குகளைப் பெற்றதையும் அவர் சுட்டிக்காட்டுகிறார்.

விரைவில் குறைவடையப்போகும் வாக்காளர் தளம்

‘மீண்டும் மீண்டும் நடந்தால் அது ஒரு பிரச்சினையாகிவிடும்’ என்ற சிங்களப் பழமொழி இருப்பதை நினைவு கூர்ந்த முன்னாள் அமைச்சர், இன்னும் 24.7% வாக்காளர் தளம் எஞ்சியிருப்பதைக் கண்டு மகிழ்ச்சியடைய வேண்டும் என்றும் அது விரைவில் வழக்கமான 3% ஆகக் குறையும் என்றும் கூறினார்.

2025 மே மாதம் மாகாண சபைத் தேர்தல்கள் நடத்தப்பட்டிருந்தால், அரசாங்கம் மேற்கு மற்றும் வட மத்திய மாகாண சபைகளை வென்றிருக்கலாம் என்றும், ஆனால் தற்போது அரசாங்கம் அனைத்து மாகாண சபைகளையும் இழக்கும் அளவுக்கு மோசமடைந்துள்ளது என்றும் உதய கம்மன்பில குறிப்பிட்டார்.

பிவித்துரு ஹெல உறுமய தலைமையகத்தில் நடைபெற்ற ஊடகவியலாளர் சந்திப்பில் உரையாற்றும் போது அவர் இவ்வாறு கூறினார்.

கோட்டாபய ராஜபக்ச சிஐடிக்கு அழைப்பு!

அரசின் அவசரகால நிலை நீடிப்பு : ஆய்வு செய்யும் இலங்கை மனித உரிமைகள் ஆணைக்குழு