ஜனாதிபதி செயலகம் பயன்படுத்தும் வாகனங்கள் : எண்ணிக்கையை வெளியிட்டார் பிரதமர்

Parliament of Sri Lanka Harini Amarasuriya Chaminda Wijesiri

By Sumithiran Mar 21, 2026 04:38 PM GMT

Sumithiran

in அரசியல்

Report

ஜனாதிபதி செயலகம் தற்போது 634 வாகனங்களைப் பயன்படுத்துகிறது என்று பிரதமர் ஹரினி அமரசூரிய நேற்று நாடாளுமன்றத்தில்(20.3) தெரிவித்தார்.

அவையில் நாடாளுமன்ற உறுப்பினர் சமிந்த விஜேசிறி எழுப்பிய வாய்மொழி கேள்விக்கு பதிலளித்த பிரதமர், முன்னாள் ஜனாதிபதி ரணில் விக்ரமசிங்கவின் பதவிக்காலத்தில் பயன்படுத்தப்பட்ட வாகனங்களின் எண்ணிக்கையுடன் ஒப்பிடுகையில், ஜனாதிபதி செயலகம் பயன்படுத்தும் வாகனங்களின் எண்ணிக்கை 200க்கும் மேல் குறைக்கப்பட்டுள்ளது என்று கூறினார்.

எதிர்க்கட்சி எம்.பியின் கேள்வி

ஜனாதிபதி விக்ரமசிங்கவின் பதவிக்காலத்தில் ஜனாதிபதி செயலகம் 833 வாகனங்களைப் பயன்படுத்தியது என்றும் அவர் கூறினார். ஜனாதிபதி செயலகம் எப்படி 634 வாகனங்களைப் பயன்படுத்த முடியும் என்று நாடாளுமன்ற உறுப்பினர் விஜேசிறி கேள்வி எழுப்பினார்.

ஜனாதிபதி செயலகம் பயன்படுத்தும் வாகனங்கள் : எண்ணிக்கையை வெளியிட்டார் பிரதமர் | Presidential Secretariat Uses Over 600 Vehicles

"செலவைக் குறைக்கவும், குறைந்தபட்ச வாகனங்களைப் பயன்படுத்தவும் அரசாங்கம் உறுதியளித்துள்ளது. அப்படியிருக்க, ஜனாதிபதி செயலகம் எப்படி 600க்கும் மேற்பட்ட வாகனங்களைப் பயன்படுத்த முடியும்?" என்று அவர் கேட்டார்.

இதற்குப் பதிலளித்த பிரதமர், வாகனங்களின் பயன்பாட்டைக் குறைப்பதாக மட்டுமே அரசாங்கம் உறுதியளித்துள்ளது என்றார்.

என்னால் ஒன்றும் செய்ய முடியாது

"வாகனப் பயன்பாட்டைக் குறைப்பதாக மட்டுமே நாங்கள் உறுதியளித்தோம், அதைச் செயல்படுத்தியும் விட்டோம். இந்த உண்மையை நாடாளுமன்ற உறுப்பினர் புரிந்து கொள்ளவில்லை என்றால், என்னால் ஒன்றும் செய்ய முடியாது," என்று அவர் கூறினார்.

மேலும், தற்போதைய அரசு ஆட்சிக்கு வந்த பிறகு, ஜனாதிபதி செயலகத்தால் முன்னர் பயன்படுத்தப்பட்ட சுமார் 60 வாகனங்கள் பல்வேறு அரசு நிறுவனங்களுக்கு வழங்கப்பட்டுள்ளன என்பதும் தெரியவந்துள்ளது.