பாடசாலை மாணவர்களின் பாதுகாப்பு குறித்து கல்வி அமைச்சு எச்சரிக்கை
பாடசாலை மாணவர்களின் பாதுகாப்பு தொடர்பில் கல்வி அமைச்சின் செயலாளர் நாலக கலுவெவ முக்கிய அறிவிப்பொன்றை விடுத்துள்ளார்.
அதன்படி, மாணவர்களின் பாதுகாப்பை உறுதிப்படுத்துவதும், பாலியல் அத்துமீறல்கள் தொடர்பான முறைப்பாடுகள் கிடைக்கப் பெறும்போது அதற்கு எதிராக உடனடியாக சட்ட நடவடிக்கை எடுப்பதும் பாடசாலை அதிபர்களின் முழுமையான பொறுப்பாகும் என்று குறிப்பிட்டுள்ளார்.
அம்பலாந்தோட்டை பகுதியிலுள்ள பாடசாலையின் அதிபர் மற்றும் உப அதிபர் ஆகியோர், மாணவி ஒருவர் தவறான முறைக்கு உட்படுத்தப்பட்ட சம்பவத்தை மறைத்த குற்றச்சாட்டில் கைது செய்யப்பட்டுள்ள பின்னணியிலேயே நாலக கலுவெவ இவ்வாறு குறிப்பிட்டுள்ளார்.
சிறுவர் பாதுகாப்பு வழிமுறைகள்
இதுகுறித்து கருத்து வெளியிட்ட கல்வி அமைச்சின் செயலாளர், கல்வி அமைச்சினால் வெளியிடப்பட்டுள்ள விசேட சுற்றறிக்கைகளின்படி, மாணவர்களைப் பாதுகாப்பதற்கான தெளிவான பொறுப்புகள் அதிபர்களுக்கே வழங்கப்பட்டுள்ளன.
பாடசாலைகளுக்குள் சிறுவர் பாதுகாப்பு வழிமுறைகள் முறையாக நடைமுறைப்படுத்தப்படுவதை அவர்கள் உறுதி செய்ய வேண்டும்.
பாடசாலைகளில் ஒழுக்கத்தைப் பேணுவது தொடர்பான 12/2016 ஆம் இலக்க சுற்றறிக்கையின்படி, மாணவர்கள் எவ்விதமான உடல் அல்லது உளவியல் ரீதியான பாதிப்புகளுக்கும் உள்ளாகாமல் இருப்பதை பாடசாலை நிர்வாகம் உறுதி செய்ய வேண்டும்.
அனைத்துப் பாடசாலைகளிலும் 'பாடசாலை சிறுவர் பாதுகாப்புக் குழுக்கள்' அமைக்கப்பட வேண்டும். இதன் மூலம் மாணவர்களுக்கான அச்சுறுத்தல்களைக் கண்டறிந்து, முறைப்பாடுகளுக்குச் சரியான முறையில் தீர்வு காண வேண்டும்“ என தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
