அரசாங்கத்திற்கு எதிராக நாளை மறுதினம் பாரிய எதிர்ப்பு - பொது இணக்கப்பாடு எட்டப்பட்டது

Gotabaya Rajapaksa Sajith Premadasa Government Of Sri Lanka SL Protest

By Vanan Jul 07, 2022 10:52 AM GMT

Vanan

in அரசியல்

Report

நாளை மறுதினம் பாரிய எதிர்ப்பு

அரசாங்கத்திற்கு எதிராக நாளை மறுதினம் இடம்பெறவுள்ள போராட்டம் தொடர்பில் காலி முகத்திடலில் போராட்டத்தில் ஈடுபடுவோர் மற்றும் எதிரணி அரசியல் பிரதிநிதிகளுக்கிடையே பொது இணக்கப்பாடு ஒன்று எட்டப்பட்டுள்ளது.

நிறைவேற்று அதிகாரம் கொண்ட அரச தலைவர் பதவியை நீக்குவது தொடர்பில் தமக்கு நிலையான கருத்து இருப்பதாக எதிர்கட்சித் தலைவர் சஜித் பிரேமதாச தெரிவித்தார்.

போராட்டத்தை வெற்றிகொள்ள பொது இணக்கப்பாடு

அரசாங்கத்திற்கு எதிராக நாளை மறுதினம் பாரிய எதிர்ப்பு - பொது இணக்கப்பாடு எட்டப்பட்டது | Protest Against Gotabaya Government July 9

போராட்டத்தை வெற்றிகொள்ளும் இணக்கப்பாடு என்ற பெயரில் சர்வகட்சி செயற்பாட்டாளர்களினால் ஏற்பாடு செய்யப்பட்ட குறித்த மாநாட்டின் பிரகடன வெளியீட்டு நிகழ்வு நேற்று கொழும்பில் இடம் பெற்றது.

இந்த மாநாட்டில் எதிர்கட்சித் தலைவர் சஜித் பிரேமதாச, சிறிலங்கா சுதந்திரக் கட்சியின் தலைவர் மைத்திரிபால சிறிசேன, அந்தக் கட்சியின் பொதுச் செயலாளர் தயாசிறி ஜயசேகர, தமிழ் முற்போக்கு கூட்டணியின் தலைவர் மனோ கணேசன், இணைத்தலைவர் பழனி திகாம்பரம் உள்ளிட்ட பலர் கலந்து கொண்டிருந்தனர்.

பிரகடனத்தில் ஆறு சிறப்பு அம்சங்கள்

போராட்டத்தை வெல்லும் பிரகடனம் ஆறு சிறப்பு அம்சங்களை உள்ளடக்கியுள்ளதோடு, இதன் வெற்றிக்காக சர்வ கட்சிப் போராளிகள் தம்மை அர்ப்பணிப்பதாகவும் தெரிவித்தனர்.

இதன்போது கருத்து வெளியிட்ட எதிர்க்கட்சித் தலைவர் சஜித் பிரேமதாச, நாட்டில் ஜனநாயகம் மேலோங்கும் ஆட்சியை நிறுவி நாட்டை முன்னோக்கி கொண்டு செல்வதற்காக முன்னெடுக்கப்படும் போராளிகளின் முயற்சிகளை பாராட்டுவதாக தெரிவித்தார்.

அவர்களின் ஜனநாயக ரீதியிலான அனைத்து கோரிக்கைகளுக்கும் மாற்றுக் கருத்து இன்றி தான் உடன்படுவதாகவும் அவர் தெரிவித்தார்.

நிறைவேற்று அதிகாரம் என்பது அரச தலைவருக்கு மட்டுமல்ல எனத் தெரிவித்த எதிர்க்கட்சித் தலைவர், அவரது நிறைவேற்று அதிகாரம் நாடாளுமன்றத்திற்கும் நீண்டு செல்வதாக தெரிவித்தார்.

எனவே, நிறைவேற்று அதிகாரம் கொண்ட அரச தலைவர் பதவியை நீக்குவது தொடர்பில் தமக்கு நிலையான ஒரு கருத்து இருப்பதாக தெரிவித்தார்.

மேலும் போராட்டத்தில் ஈடுபடும் அனைத்து குழுக்களும் ஒன்றிணைந்து நாட்டை கட்டியெழுப்பும் பயணத்திற்கு பங்களிக்க வேண்டும் எனவும் அவர் தெரிவித்தார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்