நீதி துறைக்கு இழைக்கப்படும் அநீதிக்கு எதிராக மன்னாரில் ஒன்று திரண்ட சிவில் சமூக அமைப்புக்கள்
நீதித் துறைக்கு இழைக்கப்படும் அநீதிக்கு நியாயம் கோரி மன்னாரில் கவனயீர்ப்பு போராட்டம் இடம்பெற்றது.
நாட்டின் நீதித்துறைக்கு ஏற்பட்டுள்ள அச்சுறுத்தல் மற்றும் சவால்களுக்கு எதிர்ப்பு தெரிவிக்கும் முகமாக இன்றைய தினம் (03) மன்னார் சிவில் சமூக அரசியல் பிரதிநிதிகளால் இந்த கவனயீர்ப்பு போராட்டம் மேற்கொண்டிருந்தது.
மன்னார் நகர பேரூந்து நிலையத்திற்கு முன்பாக ஒன்றுகூடிய சிவில் சமூக மற்றும் அரசியல் பிரதிநிதிகள் இலங்கையில் தொடர்சியாக சட்டத்துறை மற்றும் நீதி துறை எதிர்கொண்டு வரும் அழுத்தங்கள் மற்றும் சவால்கள் உடனடியாக முடிவுக்கு கொண்டுவரப்பட வேண்டும் என்பதன் அடிப்படையில் தமது போராட்டத்தை முன்னெடுத்திருந்தனர்.
மன்னாரில் பாரிய போராட்டம்
அத்துடன் அரசாங்கம் அமைக்கும் விசாரணைக் குழுக்கள் மீதும் நம்பிக்கையில்லை எனவும் சர்வதேச விசாரணை ஒன்றே எல்லாப் பிரச்சினைகளுக்கும் தீர்வு எனவும் அவர்கள் சுட்டிக்காட்டியுள்ளனர்.
மேலும் நீதிபதி சரவணராஜாவிற்கு இழைக்கப்பட்ட அநீதிக்கு எதிராகவும் அதே நேரம் நீதித்துறையின் சுயாதீனத்தை உறுதிப்படுத்தக் கோரி விரைவில் மன்னாரில் பாரிய போராட்டம் ஒன்றை முன்னெடுக்கவுள்ளதாகவும் இந்த வேளையிலே குறிப்பிடப்பட்டது.
இந்தப் போராட்டத்தில் மெசிடோ நிறுவனத்தின் தலைவர் ஜாட்சன் பிகிறாடோ, மன்னார் நகரசபை முன்னால் தலைவர் அன்ரனி டேவிட்சன், மன்னார் நகரசபை முன்னால் உபதலைவர் ஜோன்சன், சிவில் சமூக அமைப்பினர்,அரச சார்பற்ற நிறுவனங்களில் பிரதி நிதிகள் முன்னால் நகரசபை,பிரதேச சபை உறுப்பினர்கள் என பலரும் கலந்து கொண்டனர்.
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
சுழிபுரம், பிரித்தானியா, United Kingdom, மானிப்பாய், கொழும்பு, Uganda
02 Aug, 2016
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
