நீதிமன்றத்திற்கு அழைத்துச் செல்லப்பட்ட அர்ச்சுனா எம்.பி!

Sri Lanka Police Jaffna Parliament of Sri Lanka Ramanathan Archchuna

By Independent Writer Apr 27, 2026 07:40 AM GMT

Independent Writer

Report

புதிய இணைப்பு

இளவாலை காவல்துறையினரால் கைது செய்யப்பட்ட நாடாளுமன்ற உறுப்பினர் இராமநாதன் அர்ச்சுனா மல்லாகம் நீதிமன்றத்திற்கு அழைத்துச் செல்லப்பட்டுள்ளார்.

காணிப் பிரச்சினை ஒன்றில் பெண் ஒருவரை துப்பாக்கி முனையில் அச்சுறுத்திய சம்பவம் தொடர்பில் அவர் இன்று காலை கைது செய்யப்பட்டார்.

இந்த நிலையில், அவரது துப்பாக்கியும் காவல்துறையினரால் கைப்பற்றப்பட்டுள்ளமை குறிப்பிடத்தக்கது.

நீதிமன்றத்திற்கு அழைத்துச் செல்லப்பட்ட அர்ச்சுனா எம்.பி! | Ramanathan Archuna Mp Arrested

இரண்டாம் இணைப்பு

நாடாளுமன்ற உறுப்பினர் இராமநாதன் அர்ச்சுனா சற்றுமுன் இளவாலை காவல்துறையினரால் கைது செய்யப்பட்ட நிலையில் அவரது துப்பாக்கியும் கைப்பற்றப்பட்டுள்ளது.

காணிப் பிரச்சினை ஒன்றில் பெண் ஒருவரை துப்பாக்கி முனையில், கொலை செய்யப்போவதாகவும், தலையில் துப்பாக்கியால் சுடுவதாகவும் அச்சுறுத்திய சம்பவம் நேற்றுமுன்தினம் (25) இடம்பெற்றது.

அது குறித்தான காணொளி சர்ச்சையாகிய நிலையில் இன்றையதினம் (27) வாக்குமூலம் வழங்குவதற்காக இளவாலை காவல் நிலையத்திற்கு சென்றுள்ளார்.

நீதிமன்றத்திற்கு அழைத்துச் செல்லப்பட்ட அர்ச்சுனா எம்.பி! | Ramanathan Archuna Mp Arrested

இந்தநிலையில் வாக்குமூலம் பெறப்பட்ட பின்னர் காவல்துறையினரால் கைது செய்யப்பட்டுள்ளதுடன் அவரது துப்பாக்கியும் காவல்துறையினரால் கைப்பற்றப்பட்டுள்ளது.

இதனையடுத்து அவரை மல்லாகம் நீதிமன்றத்தில் முற்படுத்துவதற்கான நடவடிக்கைகளை காவல்துறையினர் மேற்கொண்டு வருகின்றமை குறிப்பிடத்தக்கது.

மேலதிக செய்திகள் - பு.கஜிந்தன்

முதலாம் இணைப்பு

யாழ் மாவட்ட நாடாளுமன்ற உறுப்பினர் இராமநாதன் அர்ச்சுனா சற்று முன்னர் காவல்துறையினரால் கைது செய்யப்பட்டுள்ளதாக தகவல் வெளியாகியுள்ளது.

யாழ்ப்பாணம், இளவாலை - பெரியவிளான் பகுதியில் அர்ச்சுனாவுக்கும் பொதுமக்களுக்கும் இடையே ஏற்பட்ட மோதல் தொடர்பிலேயே இந்த கைது இடம்பெற்றுள்ளதாக தெரிவிக்கப்படுகின்றது.

இந்த சம்பவத்தின் போது நாடாளுமன்ற உறுப்பினர் துப்பாக்கியைக் காட்டி பெண்களுடன் முரண்படும் காணொளி சமூக வலைத்தளங்களில் வைரலாகி வந்த நிலையில் தற்போது அவர் கைது செய்யப்பட்டுள்ளார்.