சிறைக்குச் சென்ற ரணில் மற்றும் ராஜபக்ச குடும்பத்தினர் : எச்சரிக்கும் அநுர தரப்பு

Ranil Wickremesinghe Rajapaksa Family Hiniduma Sunil Senevi

By Sathangani Oct 19, 2026 04:35 AM GMT

Sathangani

in அரசியல்

Report

ரணில் விக்ரமசிங்க மற்றும் ராஜபக்ச குடும்பத்தைச் சேர்ந்தவர்களும் சிறைக்குச் செல்வார்கள் என நம்பவில்லை என்று புத்தசாசன, சமய மற்றும் கலாசார அலுவல்கள் அமைச்சர் சுனில் செனவி தெரிவித்தார்.

அத்துடன் ஏற்கனவே செய்த பாவங்கள் போதாது என புதிதாகப் பாவங்களைச் செய்யவேண்டாம் என அவர்களுக்குக் கூற வேண்டியுள்ளதாகவும் அவ்வாறு செய்தால் நிவர்த்தி செய்வதற்கு நேரம் போதாது என்றும் அவர் சுட்டிக்காட்டியுள்ளார்.

கொழும்பில் நிகழ்வொன்றில் கலந்துகொண்டு உரையாற்றும்போதே அவர் இந்த விடயத்தினைக் குறிப்பிட்டார்.

ஞானசார தேரர் விவகாரம்

அங்கு அவர் மேலும் உரையாற்றுகையில், இதனிடையே, ஞானசார தேரர் விவகாரம் தொடர்பில் நாட்டில் திடீரெனப் பிரச்சினை ஒன்று ஏற்பட்டுள்ளது.

சிறைக்குச் சென்ற ரணில் மற்றும் ராஜபக்ச குடும்பத்தினர் : எச்சரிக்கும் அநுர தரப்பு | Ranil And Rajapaksa Family Members Went To Prison

அத்துடன், அது குறித்த நிலைமைகளை ஆராய்வதற்காக ஜனாதிபதி உடனடியாக மகாநாயக்க தேரர்களை அழைத்து மிகவும் பொறுமையாக விடயங்களைத் தெளிவுபடுத்தியுள்ளார்.

கடந்த காலங்களில் ஆட்சியாளர்களின் விருப்பப்படியே சட்டம் இருந்ததாகவும், அது தவறு எனவும், அதனைத் தற்போதைய நிலையில் அவற்றை திருத்திக் கொள்ள வேண்டும் என்றே ஜனாதிபதி சுட்டிக்காட்டினார்.

நிறைவேற்று அதிகாரம்

தனது விருப்பப்படி சட்டம் இருக்கக்கூடாது என்பதில் தான் உறுதியாக இருப்பதாகவும் அவர் தெரிவித்தார்.

மேலும், நிறைவேற்று அதிகாரம், நாடாளுமன்றம் மற்றும் நீதிமன்றம் என்பனவற்றுக்கான பொறுப்புக்களை மக்கள் வழங்கியுள்ளனர்.

அந்தப் பொறுப்புக்களை நிறைவேற்றி வருவதுடன், நீதிமன்றமும், ஜனாதிபதியும் தமக்கான பொறுப்புக்களைச் சரியாகச் செய்து வருகிறார்.” என அவர் மேலும் தெரிவித்தார்.