செங்கடலுக்கு செல்லத் தயார் :சிறிலங்கா கடற்படை அறிவிப்பு
செங்கடல் மற்றும் அதனை அண்மித்த பகுதிக்கு சிறிலங்கா கடற்படையின் கப்பல்களை அனுப்பிவைக்க தயார் என சிறிலங்கா கடற்படை தெரிவித்துள்ளது.
இதுதொடர்பாக கடற்படை ஊடகப் பேச்சாளர், கப்டன் கயான் விக்ரமசூரிய தெரிவிக்கையில்,
ஹவுதி கிளர்ச்சியாளர்களுக்கு எதிராக
அதிபர் ரணில் விக்ரமசிங்கவின் பணிப்புரைக்கு அமைய மேற்கண்ட செயற்றிட்டத்தை நடைமுறைப்படுத்த சிறிலங்கா கடற்படை தயாராக உள்ளது.
சிறிலங்கா கடற்படை கப்பல்கள் ஏமனின் ஹவுதி கிளர்ச்சியாளர்களுக்கு எதிராக அமெரிக்கா தலைமையில் முன்னெடுக்கப்படும் Prosperity Guardian நடவடிக்கையில் இணைக்கப்படவுள்ளன
கப்பலை அனுப்பிவைக்க வேண்டிய திகதி
கப்பலை அனுப்பிவைக்க வேண்டிய திகதி தொடர்பில் இதுவரை அறிவிக்கப்படவில்லை எனவும் அவர் கூறியுள்ளார்.
செங்கடலை அண்மித்த அரபுக்கடல், கல்ஃப் கடல் உள்ளிட்ட பிராந்தியம் முழுவதையும் உள்ளடக்கும் வகையில் Prosperity Guardian நடவடிக்கை முன்னெடுக்கப்படுவதாக அவர் மேலும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
