இலங்கை கடற்பரப்பில் இந்திய மீனவர் கைது :தமிழக முதலமைச்சர் எழுதிய கடிதம்

Indian fishermen M K Stalin Dr. S. Jaishankar Sri Lanka Navy

By Jaso Dec 07, 2023 11:41 PM GMT

Jaso

in தமிழ்நாடு

Report

இலங்கை கடற்பரப்பில் அத்துமீறி மீன்பிடித்த நிலையில் சிறிலங்கா கடற்படையினரால் கைது செய்யப்பட்ட இந்திய மீனவர்களை விடுவிக்க நடவடிக்கை எடுக்குமாறு தமிழக முதலமைச்சர் ஸ்டாலின் இந்திய வெளியுறவு அமைச்சர் கலாநிதி ஜெய்சங்கருக்கு கடிதம் எழுதியுள்ளார்.

இதுகுறித்து மத்திய வெளியுறவுத் துறை அமைச்சர் ஜெய்சங்கருக்கு, முதலமைச்சர் மு.க.ஸ்டாலின் எழுதிய கடிதத்தில் தெரிவிக்கப்பட்டுள்ளதாவது,

21 மீனவர்கள் எல்லை தாண்டி மீன்பிடித்ததாக

IND-TN-10-MM- 1061 IND-TN-08-MM-231, IND-TN-08-MM-385 மற்றும் IND-TN-06-MM-707 ஆகிய பதிவு எண் கொண்ட மீன்பிடிப் படகுகளில் ராமநாதபுரம் மற்றும் புதுக்கோட்டை மாவட்டங்களைச் சேர்ந்த 21 மீனவர்கள் எல்லை தாண்டி மீன்பிடித்ததாக இலங்கைக் கடற்படையினரால் 6-12-2023 அன்று கைது செய்யப்பட்டுள்ளதோடு. அவர்களது மீன்பிடிப் படகுகளும் பறிமுதல் செய்யப்பட்டுள்ளதாக கவலைபடத் தெரிவித்துள்ளார்.

இலங்கை கடற்பரப்பில் இந்திய மீனவர் கைது :தமிழக முதலமைச்சர் எழுதிய கடிதம் | Release The Fishermen Arrested Sri Lankan Navy

மீன்பிடித் தொழிலையே தங்கள் வாழ்வாதாரமாகக் கொண்டுள்ள மீனவர்கள், இலங்கைக் கடற்படையினரால் அடிக்கடி இதுபோன்று கைது செய்யப்படுவது அவர்களின் வாழ்வாதாரத்தை கடுமையாக பாதித்துள்ளது.

மீனவர்களையும் மீன்பிடி படகுகளையும் விடுவிக்க

இலங்கைக் கடற்படையினரால் கைது செய்யப்பட்டுள்ள தமிழ்நாட்டைச் சேர்ந்த 21 மீனவர்களையும் அவர்களது மீன்பிடிப்புப் படகுகளையும் விடுவிப்பதோடு, இலங்கைக் கடற்படையினரால் ஏற்கனவே பறிமுதல் செய்யப்பட்டு அவர்களது வசமுள்ள 133 மீன்பிடிப் படகுகளையும் உடனடியாக விடுவிக்கத் தேவையான தூதரக நடவடிக்கைகளை மேற்கொள்ள வேண்டும் என தெரிவித்துள்ளார்.

இலங்கைக் கடற்படையினரால் கைது செய்யப்பட்டுள்ள 21 மீனவர்கள் & 133 மீன்பிடிப் படகுகளை உடனடியாக விடுவித்திடஉரிய நடவடிக்கைகளை மேற்கொள்ளுமாறு வலியுறுத்தி, மாண்புமிகு ஒன்றிய வெளியுறவுத் துறை அமைச்சர் @DrSJaishankar அவர்களுக்கு மாண்புமிகு முதலமைச்சர் திரு.@mkstalin அவர்கள் கடிதம்#TNDIPR pic.twitter.com/ODgIavZ4y1
— TN DIPR (@TNDIPRNEWS) December 7, 2023