வவுனியாவில் காணாமல் போன குழந்தையின் சடலம் : குடும்பத்தார் வெளியிட்ட தகவல்
வவுனியா - இராசேந்திரங்குளம் மயானத்தில் புதைக்கப்பட்ட நிலையில் காணாமல் போன குழந்தையின் சடலத்தை மீள ஒப்படைத்தால் 20 இலட்சம் ரூபாய் சன்மானம் வழங்கப்படும் என சிறுமியின் அம்மம்மாவான குணரட்னம் ரோகினி தெரிவித்துள்ளார்.
வவுனியா ஊடக அமையத்தில் நேற்று கருத்து தெரிவித்த போதே அவர் இவ்வாறு தெரிவித்தார்.
தோண்டி எடுக்கப்பட்ட உடல்
அவர் மேலும் தெரிவிக்கையில், “கடந்த 25.08.2023 ஆம் திகதியன்று வவுனியா, பாரதிபுரம் பகுதியில் 2 வயது குழந்தை நீர்த் தொட்டியில் தவறி விழுந்து இறந்தார்.
இறந்த குழந்தையின் உடல் இராசேந்திரங்குளம் இந்து மயானத்தில் அடக்கம் செய்யப்பட்டது.
இருப்பினும் கடந்த 05.09.2023 அன்று குழந்தையின் உடல் இனந்தெரியாத நபர்களால் தோண்டி எடுக்கப்பட்டுள்ளது.
இது தொடர்பான உண்மையான தகவல் தெரிந்தவர்கள் கீழ்கண்ட தொலைபேசி இலக்கத்திற்கு தகவல் வழங்குபவர்களுக்கு 10 இலட்சம் சன்மானமாக வழங்கப்படும்.
குழந்தையின் சடலத்தை எடுத்தவர்கள் மீள கையளிக்கின்ற போது 20 லட்சம் சன்மானம் வழங்கப்படும். இதனை தாழ்மையாக கேட்கின்றேன். எங்களது பிள்ளையின் அங்கம் வேண்டும்”என்றார்.
காவல்துறையில் முறைப்பாடு
குழந்தையின் சடலம் தொடர்பான தகவல் தெரிந்தவர்கள் 076 – 6091158 அல்லது 075 – 4986953 என்ற தொலைபேசி இலக்கத்திற்கு தெரியப்படுத்துமாறும் தெரிவித்துள்ளார்.
இதேவேளை, குறித்த குழந்தையின் சடலத்தை காணவில்லை என நெளுக்குளம் காவல்துறையில் முறைப்பாடு செய்யப்பட்டுள்ளமையும் குறிப்பிடத்தக்கது.
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
