அரிசிக்கு தட்டுப்பாடு : மாணவர்களுக்கு வழங்கப்பட்ட ரொட்டி,பேரீச்சம்பழம்

Dates Sri Lankan Schools Rice

By Sumithiran Jan 06, 2025 07:11 PM GMT

Sumithiran

in சமூகம்

Report

இலங்கையில்(sri lanka) அரிசி தட்டுப்பாடு காரணமாக பாடசாலையொன்றில் மாணவர்களுக்கு ரொட்டியும்,பேரீச்சம்பழமும் வழங்கப்பட்ட சம்பவம் ஒன்று இடம்பெற்றுள்ளது.

வெல்லவாய கல்வி வலயத்திலுள்ள தெபராரா கனிஷ்ட பாடசாலை மாணவர்களுக்கே இவ்வாறு ரொட்டியும் பேரீச்சம்பழமும் வழங்கப்பட்டன.

அரிசி தட்டுப்பாடு

இது தொடர்பாக பாடசாலைக்கு மதிய உணவை வழங்கும் பெண் ஒப்பந்தகாரரிடம் பெற்றோர்கள் வினவியபோது, அரிசி தட்டுப்பாடு காரணமாக ரொட்டி வழங்கியதாக தெரிவித்துள்ளார்.

அரிசிக்கு தட்டுப்பாடு : மாணவர்களுக்கு வழங்கப்பட்ட ரொட்டி,பேரீச்சம்பழம் | Rice Shortage Creeps Into Schools

தரம் 01 முதல் பதினொராம் வகுப்பு வரை உள்ள குறித்த கனிஷ்ட பாடசாலையில் 121 மாணவர்கள் பயில்கின்றனர். ஒப்பந்ததாரர் சோறு மற்றும் காய்கறிகள், இறைச்சி, மீன் அல்லது முட்டை மற்றும் பழங்கள் உள்ளிட்ட சீரான உணவுகளை வழங்கியிருக்க வேண்டும்.

பெற்றோர் கவலை

எனினும் அவர் கடந்த வெள்ளிக்கிழமை (03) ரொட்டி மற்றும் பேரிச்சம்பழங்களை வழங்கியுள்ளமையால் பெற்றோர் கவலைக்கு உள்ளாகியுள்ளனர்.

பெற்றோரிடம் இருந்து கிடைக்கப்பெற்ற முறைப்பாடுகளின் பேரில், பாடசாலைக்கு சென்று சம்பவம் தொடர்பில் விசாரணைகளை மேற்கொண்டதாகவும், தனக்கு அரிசி வழங்கும் அரிசி ஆலை மூடப்பட்டுள்ளதாகவும், அரிசி தட்டுப்பாடு காரணமாக மதிய உணவுக்கு ரொட்டி மற்றும் பேரிச்சம்பழம் வழங்கியதாகவும் ஒப்பந்ததாரர்கள் விளக்கமளித்ததாகவும் வெல்லவாய வலயப் பணிப்பாளர் சுசில் விஜேதிலக தெரிவித்தார்.

மேலதிக விசாரணைகளின் பின்னர் ஒப்பந்ததாரர் மீது நடவடிக்கை எடுக்கப்படும் என்றார்.