இலங்கையில் அரிசிக்கு தட்டுப்பாடு ஏற்படும் அபாயம்

Sinhala and Tamil New Year Sri Lanka Sri Lankan Peoples Rice

By Laksi Mar 28, 2024 01:54 PM GMT

Laksi

in சமூகம்

Report

நாட்டில் எதிர்வரும் காலங்களில் அரிசிக்கு தட்டுப்பாடு உருவாகலாம் என சிறிய மற்றும் நடுத்தர அரிசி தொழிற்சாலை உரிமையாளர்கள் எச்சரிக்கை விடுத்துள்ளனர்.

இது தொடர்பில் தெரிவிக்கையில், எதிர்வரும் பண்டிகைக் காலத்தை முன்னிட்டு அரிசியின் விலையை அதிகரிப்பதற்கு பாரிய நெல் தொழிற்சாலை உரிமையாளர்கள் முயற்சித்து வருகின்ற காரணத்தினால் எதிர்காலத்தில் நாட்டில் அரிசி தட்டுப்பாடு உருவாகலாம் என குறிப்பிட்டுள்ளனர்.

விசேட வர்த்தக வரி

இந்த நிலையில், ஒரு கிலோகிராம் அரிசிக்கு விதிக்கப்பட்டிருந்த 65 ரூபா விசேட வர்த்தக வரியும் நேற்று முதல் நடைமுறைக்கு வரும் வகையில் 1 ரூபாயாகக் குறைக்கப்பட்டுள்ளது.

இலங்கையில் அரிசிக்கு தட்டுப்பாடு ஏற்படும் அபாயம் | Risk Of Shortage Of Rice Price Issued Warning

கடந்த சில மாதங்களுக்கு முன் ஆரம்பமாகிய உயர் பருவ நெல் அறுவடை, தற்போது இறுதிக்கட்டத்தை எட்டியுள்ளது. எனினும் பாரிய நெல் தொழிற்சாலை உரிமையாளர்கள் 90 தொடக்கம் 100 ரூபா வரையிலேயே ஒரு கிலோகிராம் நெல்லை கொள்வனவு செய்கின்றனர்.

அரிசிக்கு செயற்கை தட்டுப்பாடு

அரசாங்கம் ஒரு கிலோகிராம் நெல்லுக்கு 135 ரூபாவாக விலை நிர்ணயம் செய்த போதிலும், விற்பனை செய்வதற்கு கையிருப்பில் நெல் இல்லை என விவசாயிகள் தெரிவிக்கின்றனர்.

இலங்கையில் அரிசிக்கு தட்டுப்பாடு ஏற்படும் அபாயம் | Risk Of Shortage Of Rice Price Issued Warning

இதேவேளை, அரிசியை பதுக்கி வைத்து எதிர்காலத்தில் நாட்டில் அரிசிக்கு செயற்கை தட்டுப்பாடு ஏற்படுத்த சதி முயற்சிகள் இடம்பெறுகின்றன எனவும் சுட்டிக்காட்டியுள்ளனர்.