யாழ்ப்பாணத்தில் இருந்து கொழும்பிற்கு சொகுசு பேருந்தில் சென்றவர்களுக்கு நேர்ந்த கதி
யாழ்ப்பாணத்தில் இருந்து கொழும்பிற்கு சொகுசு பேருந்தில் சென்றவர்களின் ஒருதொகை பணம் கொள்ளையடிக்கப்பட்டுள்ளதாக தெரிவிக்கப்படுகிறது.
கடந்த இரண்டாம் திகதி இரவு இந்த சம்பவம் இடம்பெற்றுள்ளது.இது தொடர்பில் மேலும் தெரியவருவதாவது,
யாழ்ப்பாணத்திலிருந்து கொழும்பு சென்ற சொகுசு பேருந்தில் கோண்டாவிலைச் சேர்ந்த ஒரு குடும்பமும் ஆசனப்பதிவை மேற்கொண்டு பயணம் மேற்கொண்டுள்ளது.
புத்தளத்தில் ஏறிய அறுவர்
பேருந்து புத்தளம் பகுதியை சென்றவேளை 4 பெண்கள் 2 ஆண்களுமாக 6 பேர் பேருந்தில் ஏறியிருந்தனர். இந்த நிலையில் கோண்டாவில் பகுதியிலிருந்து பயணித்தவர்களின் ஒரு இலட்சம் ரூபாய் ரொக்க பணம் மேற்கூறிய ஆறு பேர்கொண்ட குழுவினால் கொழும்பு ஆமர்சீட் பகுதியில் பேருந்தில் வைத்து களவாடப்பட்டிருந்தது.
மேற்கூறிய பணத்தினை களவாடியவர்கள் ஐந்துலாம்பு சந்தியில் இறங்கிக் கொண்டதாக பேருந்தின் ஓட்டுனர் மற்றும் நடத்துனர் தெரிவித்திருந்தனர்.
நூதனமாக திருட்டு
பணத்தினை இழந்த குறித்த குடும்பத்தினர் கொழும்பு ஆமர்சீட் பகுதியில் இறங்க முற்படும்போதே குறித்த கும்பலில் பெண் ஒருவர் பேருந்தில் பொருத்தப்பட்டிருந்த இரகசிய கமராவினை தனது கை பையினால் மறைக்கும் போது மற்றைய பெண் கோண்டாவில் பகுதியிலிருந்து ஏறிய பெண்ணின் கைபையினுள் பணத்தினை திருடும் காட்சிகள் இரகசிய கண்காணிப்பு கமராவினுள் பதிவாகியுள்ளன.
இதேவேளை குறித்த குடும்பத்தினருக்கு பேருந்து நடத்துனர் பணம் களவாடப்படுவதற்கு முன்பே எச்சரிக்கை ஒன்றையும் விடுத்திருந்ததாக பணத்தினை இழந்த குடும்பத்தினர் தெரிவித்திருந்தனர்.
காவல் நிலையத்தில் முறைப்பாடு
பணத்தினை களவாடியவர்கள் முற்பதிவு செய்தே குறித்த பேருந்தில் பயணித்ததாகவும், அவர்கள் முற்பதிவு செய்ய அழைத்த தொலைபேசி இலக்கத்தையும் பணத்தை இழந்தவர்களிடம் பேருந்து நடத்துனர் வழங்கியுள்ளார்.
இதேவேளை இந்த சம்பவம் தொடர்பில் இரகசிய கண்காணிப்பு கமரா மூலம் பெறப்பட்ட காணொளிகள் மற்றும் கிடைக்கப்பெற்ற தொலைபேசி எண் என்பனவற்றை வைத்து கொழும்பு கொட்டாஞ்சேனை காவல் நிலையத்தில் முறைப்பாடு பதிவு செய்யப்பட்டுள்ளது.
வண்ணார்பண்ணை, Kachcheri, மானிப்பாய், சென்னை, India, Brampton, Canada
19 Mar, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
