மொட்டு கட்சி பெண் உறுப்பினர் மீது அழுகிய முட்டை தாக்குதல்
மொட்டு கட்சி உறுப்பினர் மீது முட்டை தாக்குதல்
மாநகர சபை ஆணையாளரை பாதணியால் தாக்கிய மொட்டு கட்சி உறுப்பினர் நாற்காலியுடன் தூக்கி செல்லப்பட்டு அழுகிய முட்டடை தாக்குதலுக்கு இலக்காகியுள்ளார்.
மொட்டுக் கட்சியின் உறுப்பினரான திருமதி சுரங்கி ரேணுகா சமரதுங்க என்பவருக்கே இந்த நிலை ஏற்பட்டுள்ளது.
அநுராதபுரம் மாநகர சபையில் இந்த சம்பவம் இடம்பெற்றுள்ளது.சம்பவம் தொடர்பில் மேலும் தெரியவருவதாவது,
மாநகர ஆணையாளர் மீது பாதணியால் தாக்குதல்
நேற்று (26ம் திகதி) மாநகர சபையின் மேயர் எச்.பி.சோமதாச தலைமையில் நடைபெற்ற நிதிக்குழு கூட்டத்தில் மாநகர ஆணையாளர் ருவன் விஜேசிங்கவுடன் குறித்த மொட்டுக் கட்சி உறுப்பினர் முறுகலில் ஈடுபட்டதுடன், அவரை மோசமான வார்த்தைகளால் திட்டி பாதணியால் தாக்கியதாக தெரிவிக்கப்படுகிறது.
இந்த நிலையில் இன்று (27ம் திகதி) காலை மாநகர சபைக்கு வந்த குறித்த பெண் உறுப்பினர் அலுவலகத்தில் காத்திருந்த போது, மாநகர சபையின் அதிகாரிகள் மற்றும் ஊழியர்கள் அவருக்கு எதிராக கோஷமிட்டதுடன், அவரை அங்கிருந்து செல்லுமாறு தெரிவித்துள்ளனர். ஆனால் அவர் அலுவலகத்தில்தொடர்ந்து இருந்ததால் , ஊழியர்கள் கோபமடைந்ததுடன் அவர் அமர்ந்திருந்த நாற்காலியுடன் தூக்கிக்கொண்டு கீழ் தளத்திற்கு சென்றுள்ளனர்.
பதற்றமான சூழல்
இதனால் அங்கு பதற்றமான சூழல் உருவாகியிருந்தது. மாநகர சபையின் நுழைவாயிலுக்கு முன்பாக கூடிய ஊழியர்கள் மொட்டுக் கட்சியின் குறித்த பெண் உறுப்பினருக்கு எதிராக பல்வேறு சுவரொட்டிகளைக் காட்டி ஆர்ப்பாட்டத்தில் ஈடுபட்டுள்ளனர்.
இதன்போது குறித்த பெண் உறுப்பினர் மாநகர சபை உழியர்கள் தன்னைத் தாக்கியதாக அழுது புலம்பியுள்ளார். ஆனால் ஊழியர்கள் அவருக்கு எதிராக போராட்டம் நடத்தியதுடன் அவர் மீது அழுகிய முட்டைகளால் தாக்குதலும் நடத்தியுள்ளனர். இதற்கு மேலாக மாநகர ஆணையாளர் மீது தாக்குதல் நடத்தியதற்கு ஆணையாளரிடம், குறித்த பெண் உறுப்பினர் மன்னிப்பு கேட்க வேண்டும் என ஊழியர்கள் கோஷமிட்டுள்ளனர்.
காப்பாற்றிய காவல்துறையினர்
இந்த நிலையில், அங்கு நிலைமை மோசமாக குறித்த பெண் உறுப்பினர் ஆணையாளரிடம் மன்னிப்பு கேட்டுக்கொண்டுள்ளார்.
ஆனால் அவர் மீது ஊழியர்கள் கடும் எதிர்ப்பை வெளியிட்டு வந்த நிலையில் அநுராதபுரம் காவல் நிலைய பெண் காவல்துறை உத்தியோகத்தர்கள் மாநகர சபைக்கு விரைந்து குறித்த பெண் உறுப்பினரை அங்கிருந்து பாதுகாப்பாக அழைத்துச் சென்றுள்ளனர்.
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
