இலங்கைக்கு வருகிறார் ரஷ்ய சுகாதார அமைச்சர்
ரஷ்ய கூட்டமைப்பின் சுகாதார அமைச்சர் மிகைல் முராஷ்கோ உள்ளிட்ட தூதுக்குழுவினர், மூன்று நாள் உத்தியோகபூர்வ பயணத்தை மேற்கொண்டு மே 03 அன்று இலங்கைக்கு வரகை தரவுள்ளனர்.
இந்தப் பயணத்தின் போது, ரஷ்ய கூட்டமைப்பின் சுகாதார அமைச்சர் உள்ளிட்ட தூதுக்குழுவினர், ரஷ்யாவிற்கும் இலங்கைக்கும் இடையிலான சுகாதாரத் துறையில் உறவுகளையும் ஒத்துழைப்பையும் வலுப்படுத்துவது குறித்து, சுகாதார மற்றும் வெகுஜன ஊடக அமைச்சர் மருத்துவர் நலிந்த ஜெயதிஸ்ஸவுடன் ஒரு சிறப்பு கலந்துரையாடலை நடத்த உள்ளனர்.
அமைச்சர்கள் நலிந்த மற்றும் விஜித ஹேரத்துடன் கலந்துரையாடல்
மேலும், வெளிநாட்டு விவகாரங்கள், வெளிநாட்டு வேலைவாய்ப்பு மற்றும் சுற்றுலா அமைச்சர் விஜித ஹேரத்துடன் ஒரு சிறப்பு கலந்துரையாடலை நடத்தவும் தூதுக்குழுவினர் திட்டமிட்டுள்ளனர்.
ரஷ்ய சுகாதார அமைச்சரும் தூதுக்குழுவினரும் மே 4 ஆம் திகதி கொழும்பு தேசிய மருத்துவமனை மற்றும் கொழும்பு பல்கலைக்கழகத்தின் மருத்துவ பீடத்திற்கு வருகை தருவதோடு, இலங்கை மற்றும் ரஷ்யாவின் சுகாதார அமைச்சகங்களுக்கு இடையே புரிந்துணர்வு ஒப்பந்தங்களில் கையெழுத்திடவும் உத்தேசித்துள்ளனர்.
சுகாதார சேவையின் ஒவ்வொரு துறையுடனும் கலந்துரையாடல்
இந்தப் பயணத்தின் போது, ரஷ்ய சுகாதார அமைச்சரும் தூதுக்குழுவினரும், மருந்துகள் மற்றும் மருத்துவ உபகரணங்கள், மருத்துவ நிபுணர்களின் பயிற்சி மற்றும் மேம்பட்ட பயிற்சி, கல்விசார் ஒத்துழைப்பு (பரிமாற்றங்கள், கூட்டுப் பாடநெறிகள் போன்றவை), ஆயுர்வேத மருத்துவம் மற்றும் சுற்றுலா சுகாதார சேவைகள் உள்ளிட்ட சுகாதாரத் துறையின் முக்கிய பகுதிகளில் ஒத்துழைப்பை மேம்படுத்துவதற்காக, சுகாதார சேவையின் ஒவ்வொரு துறையுடனும் கலந்துரையாடல்களையும் கருத்துப் பரிமாற்றங்களையும் நடத்துவார்கள் என எதிர்பார்க்கப்படுகிறது.
ரஷ்ய சுகாதார அமைச்சர் மிகைல் முராஷ்கோ உள்ளிட்ட தூதுக்குழுவினர், தங்களது மூன்று நாள் பயணத்தை நிறைவுசெய்து, மே 5 ஆம் திகதி நாட்டிலிருந்து புறப்பட உள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
புங்குடுதீவு 12ம் வட்டாரம், புங்குடுதீவு, கொக்குவில், Leverkusen, Germany
28 Apr, 2025
வட்டுக்கோட்டை, கொழும்பு, Sabah, Malaysia, Kuala Belait, Brunei, மெல்போன், Australia
26 Apr, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024