நடமாடும் மின் உற்பத்தி நிலையத்துடன் கட்டுநாயக்கவை வந்தடைந்த ரஷ்ய விமானம்
புதிய இணைப்பு
நாட்டில் ஏற்பட்டுள்ள பேரிடர் சூழ்நிலையை எதிர்கொள்ளும் வகையில், ரஷ்யா இன்று (10) மதியம் சிறப்பு சரக்கு விமானம் மூலம் கட்டுநாயக்க விமான நிலையத்திற்கு 35 மெட்ரிக் தொன் உதவிப் பொருட்களை அனுப்பியது.
ரஷ்யாவிடமிருந்து உதவியாக ஒரு நடமாடும் மின் நிலையம், தாவர எண்ணெய், சர்க்கரை, அரிசி மற்றும் கூடாரங்கள் ஆகியவை பெறப்பட்டுள்ளன.
இந்த உதவிப் பொருளை ஏற்றிச் சென்ற ரஷ்ய இலியுஷின் IL-76 சரக்கு விமானம் இன்று பிற்பகல் 1.10 மணிக்கு கட்டுநாயக்க விமான நிலையத்தை வந்தடைந்ததாக விமான நிலைய உள் வட்டாரங்கள் தெரிவிக்கின்றன.
இந்நிகழ்வில், இலங்கைக்கான ரஷ்ய தூதர் லெவன் தாகரியன், துறைமுகங்கள் மற்றும் சிவில் விமானப் போக்குவரத்து அமைச்சர் அனுர கருணாதிலக்க, பாதுகாப்பு பிரதி அமைச்சர் ஓய்வுபெற்ற மேஜர் ஜெனரல் அருண ஜெயசேகர, ஆகியோர் கலந்து கொண்டனர்.
முதலாம் இணைப்பு
சீரற்ற வானிலை காரணமாகப் பாதிக்கப்பட்ட இலங்கை மக்களுக்கு நிவாரணம் வழங்கும் நோக்குடன், ரஷ்யாவின் மனிதாபிமான உதவிப் பொருட்களுடன் கூடிய விமானம் இலங்கை நோக்கிப் புறப்பட்டுள்ளது.
அதன்படி, 35 டொன் அளவுடன் மனிதாபிமான உதவிப் பொருட்களைக் கொண்ட விமானம் இலங்கை நோக்கிப் புறப்பட்டதாக, இலங்கைத் தூதுவர் ஷோபினி குணசேகர இன்று அதிகாலை தெரிவித்துள்ளார்.
"டித்வா" புயல்
2004 ஆம் ஆண்டு ஏற்பட்ட சுனாமிக்குப் பிறகு இலங்கையில் ஏற்பட்ட மிக மோசமான இயற்கை அனர்த்தமான "டித்வா" புயலின் தாக்கம் காரணமாக இதுவரையில் 639 பேர் உயிரிழந்துள்ளனர்.
நாட்டின் மொத்த சனத்தொகையில் சுமார் 10% வீதமானோர் இதனால் பாதிக்கப்பட்டுள்ளதாகவும் கூறப்படுகிறது.
இந்த பேரிடர் சூழலில் இலங்கைக்கு அநேகமான நாடுகள் தமது உதவிகளை செய்தும் நிவாரணங்களை அனுப்பியும் வருகின்றமை குறிப்பிடத்தக்க விடயமாகும்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வரணி, சவுதி அரேபியா, Saudi Arabia, Mitcham, United Kingdom
27 Aug, 2023
Urumpirai, மன்னார் முருங்கன், Markham, Canada, Drancy, France
21 Aug, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
