சஹ்ரானின் வழக்கறிஞர் தற்போதைய நீதி அமைச்சர் : விமல் வீரவன்ச சுட்டிக்காட்டு

ஈஸ்டர் ஞாயிறு தாக்குதலின் மூளையாகக் கருதப்படும் சஹ்ரானின் வழக்கை பிரதிநிதித்துவப்படுத்திய வழக்கறிஞர் இன்று இந்த நாட்டில் நீதி அமைச்சராக உள்ளார் என்று தேசிய சுதந்திர முன்னணியின் தலைவரும் நாடாளுமன்ற உறுப்பினருமான விமல் வீரவன்ச தெரிவித்துள்ளார். இரத்தினபுரியில் நடைபெற்ற பொதுக் கூட்டத்தில் உரையாற்றும் போது அவர் இவ்வாறு கூறினார்.

மேலும் பேசிய வீரவன்ச, தற்போதைய நீதி அமைச்சர் ஹர்ஷன நாணயக்கார, மட்டக்களப்பிற்குச் சென்று சஹ்ரானின் வழக்கை பிரதிநிதித்துவப்படுத்திய வழக்கறிஞர் என்றும் கூறினார்.

சாலே கைது சஹ்ரானுக்கு வாதாடியவர் அமைச்சர்

நாட்டின் பாதுகாப்புக்காக சிறப்பாகப் பணியாற்றிய மேஜர் ஜெனரல் சுரேஷ் சாலே போன்ற ஓய்வுபெற்ற புலனாய்வுத் தலைவர்களை சிறையில் அடைத்து துன்புறுத்தி சஹ்ரானை பிரதிநிதித்துவப்படுத்திய வழக்கறிஞர்களுக்கு அமைச்சர் பதவிகளை வழங்குவது நகைப்புக்குரியது என்றும் அவர் வலியுறுத்தினார்.

 புலம்பெயர்ந்த புலிகளை திருப்திப்படுத்துவதற்காக அரசாங்கம் நாட்டின் புலனாய்வு அமைப்புகள் மற்றும் பாதுகாப்புப் படைகளை பலவீனப்படுத்துவதாகவும் நாடாளுமன்ற உறுப்பினர் குற்றம் சாட்டினார். போர்வீரன் என்ற வார்த்தையைக்கூடப் பயன்படுத்தத் தயங்கும் ஒரு ஆட்சி இன்று உருவாகியுள்ளது என்றும், ஜெயமங்கல காதை, சிங்கள புத்தாண்டு சடங்குகள் போன்ற தேசிய பாரம்பரியத்தை அரசாங்கம் புறக்கணித்து வருவதாகவும் அவர் சுட்டிக்காட்டினார்.

ஈரானின் அடுத்த உச்ச தலைவரே இஸ்ரேலின் இலக்கு

பொருளாதாரத்தைக் கையாள்வதில் தோல்வி

தற்போதைய அரசாங்கம் பொருளாதாரத்தைக் கையாள்வதில் தோல்வியடைந்துள்ளதாகவும், திருடர்களைப் பிடிப்பது என்ற முழக்கத்துடன் ஆட்சிக்கு வந்தவர்கள் இப்போது பட்டப்பகலில் பெரிய அளவிலான ஊழலில் ஈடுபட்டுள்ளதாகவும் வீரவன்ச மேலும் கூறினார்.

குறிப்பாக தரமற்ற நிலக்கரி இறக்குமதி, தரமற்ற மருந்துகளின் இறக்குமதி மற்றும் அரிசியின் விலையைக் கட்டுப்படுத்தத் தவறியதன் மூலம் மக்கள் கடுமையான அழுத்தத்திற்கு உள்ளாகியுள்ளனர் என்றும், அத்தகைய நடவடிக்கைகளின் சுமை இறுதியில் மின்சாரக் கட்டணங்கள் மற்றும் வரிகள் மூலம் சாதாரண மக்கள் மீது சுமத்தப்படுகிறது என்றும் அவர் மேலும் தெரிவித்தார்.

நாட்டை இந்த படுகுழியில் இருந்து மீட்டெடுக்க, கொள்கைகளை காட்டிக் கொடுக்காத மற்றும் நாட்டின் கலாசார மற்றும் தேசிய பாரம்பரியத்தை அங்கீகரிக்கும் ஒரு புதிய தலைமை தேவை என்று மேலும் தெரிவித்தார்.

இந்தியப் பெருங்கடலில் அமெரிக்க டெஸ்ட்ராயர் கப்பலை தாக்கிய ஈரானிய ஏவுகணைகள்