பிக்குகள் நடத்தும் போராட்டம் : சஜித்திடமிருந்து ஜனாதிபதிக்கு பறந்த கோரிக்கை

கொழும்பிலுள்ள ஜனாதிபதி செயலகத்திற்கு வெளியே பௌத்த பிக்குகள் நடத்தி வரும் போராட்டத்தில், ஜனாதிபதி அனுர குமார திஸாநாயக்க நேரடியாகத் தலையிட வேண்டும் என்று எதிர்க்கட்சித் தலைவர் சஜித் பிரேமதாச வலியுறுத்தியுள்ளார். போராட்டக்காரர்களுக்கு எதிராகக் காவல்துறை மேற்கொண்ட நடவடிக்கையையும் அவர் கண்டித்துள்ளார்.

 இது குறித்து விடுத்துள்ள அறிக்கையில், கண்டி முதல் கொழும்பு வரை பாதயாத்திரையாக வந்த பௌத்த பிக்குகள், ஜனாதிபதி செயலகத்திற்கு அருகில் அமைதியான முறையில் போராட்டத்தில் ஈடுபட்டு வருவதாக சஜித் பிரேமதாச குறிப்பிட்டுள்ளார்.

மன உளைச்சலுக்கு ஆளாகியுள்ள பிக்குகள்

பிக்குகள் கொண்டு வந்த புத்தர் சிலையைப் பாதுகாப்பதற்காக அமைக்கப்பட்டிருந்த தற்காலிகக் கூடாரத்தை காவல்துறை அகற்றியுள்ளதாகவும், இதனால் அங்கு போராட்டத்தில் ஈடுபட்டிருந்தவர்கள் மன உளைச்சலுக்கு ஆளாகியிருப்பதாகவும் தனக்குத் தகவல் கிடைத்துள்ளதாக அவர் தெரிவித்துள்ளார்.

மேலும், இந்தச் சம்பவத்தின் போது சிலர் கைது செய்யப்பட்டுள்ளதாகவும் அவர் குறிப்பிட்டுள்ளார்.

ஜனாதிபதி செயலகம் அருகே கூடாரம் அமைக்க முற்பட்ட பிக்குகளால் பதற்றம்

ஜனாதிபதி மகா சங்கத்தினருடன் நேரடியாகப் பேச்சு

போராட்டத்தில் ஈடுபட்டுள்ள பிக்குகளுக்கு எதிராக மேற்கொள்ளப்பட்ட ஜனநாயகமற்ற செயலை வன்மையாகக் கண்டித்துள்ள எதிர்க்கட்சித் தலைவர், ஜனாதிபதி,மகா சங்கத்தினருடன் நேரடியாகப் பேச்சுவார்த்தை நடத்தி, அவர்களின் கோரிக்கைகளுக்குத் தீர்வு காண வேண்டும் என்றும், அதேவேளையில் பௌத்த துறவற அடையாளத்திற்கு உரிய மரியாதையை உறுதிப்படுத்த வேண்டும் என்றும் கேட்டுக்கொண்டுள்ளார்.

பிக்குகளுக்குத் துன்புறுத்தலையோ அல்லது மன உளைச்சலையோ ஏற்படுத்தக்கூடிய எந்தவொரு நடவடிக்கையையும் உடனடியாக நிறுத்துமாறு அரசாங்கத்தையும் காவல்துறையையும் அவர் வலியுறுத்தியுள்ளார். 

பிக்குகளின் போராட்டத்தால் முடங்கிய காலி வீதி போக்குவரத்திற்காக சற்றுமுன்னர் திறப்பு