யாழ். பல்கலை மாணவிகளுக்கு இம்சை கொடுத்த மர்ம நபர் - வெளிச்சத்திற்கு வந்த தகவல்

University of Jaffna Sexual harassment Sri Lanka Police Investigation

By Vanan Aug 16, 2022 08:51 AM GMT

Vanan

in சமூகம்

Report

மாணவிகளுக்கு இம்சை கொடுத்த மர்ம நபர்

யாழ்ப்பாணப் பல்கலைக்கழக மாணவிகளின் தொலைபேசிகளுக்கு அழைப்பெடுக்கும் மர்ம நபர் ஆபாசமாக பேசுவதாக கோப்பாய் காவல் நிலையத்தில் முறைப்பாடு பதிவு செய்யப்பட்டுள்ளது.

மாணவிகளின் தொலைபேசிகளுக்கு இரவு வேளைகளில் அழைப்பெடுக்கும் நபர் ஆபாசமாக பேசி வந்துள்ளார்.

அவரின் தொலைபேசி இலக்கத்தில் இருந்து அழைப்பு வராதவாறு தடுத்தாலும் (ப்ளக்) வேறு இலக்கங்களில் இருந்து அழைப்பெடுத்து மாணவிகளை இம்சைக்கு உள்ளாக்கி உளவியல் ரீதியாக பாதிக்கும் வகையில் அவர் செயற்பட்டுள்ளதாக குற்றச்சாட்டு முன்வைக்கப்பட்டுள்ளது.

நிர்வாகம் நடவடிக்கை எடுக்கவில்லை என குற்றச்சாட்டு

யாழ். பல்கலை மாணவிகளுக்கு இம்சை கொடுத்த மர்ம நபர் - வெளிச்சத்திற்கு வந்த தகவல் | Sexual Harassment Telephone Jaffna University

இது தொடர்பில் மாணவிகளால் பல்கலைக்கழக நிர்வாகத்திற்கு அறிவித்த போதிலும், நிர்வாகம் உரிய முறையில் நடவடிக்கை எடுக்கவில்லை எனத் தெரிவித்த பாதிக்கப்பட்ட மாணவிகள், தமக்கு தொலைபேசியில் தொல்லை தரும் மர்ம நபர் தொடர்பில் காவல் நிலையத்தில் முறைப்பாடு பதிவுசெய்துள்ளனர்.

முறைப்பாட்டில் குறித்த நபரின் தொலைபேசி இலக்கத்தினையும் மாணவிகள் வழங்கியுள்ளனர்.

அதன் அடிப்படையில் காவல்துறையினர் விசாரணைகளை முன்னெடுத்துள்ளனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்