இலங்கைக்கான விமான சேவையை அதிகரிக்கும் வெளிநாட்டு விமான நிறுவனம்

Bandaranaike International Airport Sri Lanka Singapore

By Sumithiran Jan 06, 2026 11:44 AM GMT

Sumithiran

in சமூகம்

Report

2026 ஆம் ஆண்டில் இலங்கைக்கும் சிங்கப்பூருக்கும் இடையிலான விமான சேவைகளில் 52 ஆண்டுகள் நிறைவைக்குறிக்கும் வகையில் இன்று (06) முதல் பிற்பகலில் ஒரு மேலதிக விமான சேவையுடன் சிங்கப்பூர் ஏர்லைன்ஸ், வாரத்தில் 03 நாட்கள் சேவையைத் தொடங்கியுள்ளது என சிங்கப்பூர் ஏர்லைன்ஸ் நிர்வாக பணிப்பாளர் வசந்த குடலியனகே தெரிவித்தார்.

இதுவரை, சிங்கப்பூரின் சாங்கி சர்வதேச விமான நிலையத்திலிருந்து வாரத்தில் ஏழு நாட்களும் தினமும் இரவு 11.30 மணிக்கு அதிநவீன போயிங் - 787 - 10 ட்ரீம்லைனர் விமானம் கட்டுநாயக்க விமான நிலையத்திற்கு வந்து சேர்ந்தது.

இன்றுமுதல் பெரிய பயணிகள் விமானம்

இது தவிர, இன்று (6) முதல், சிங்கப்பூரின் சாங்கி சர்வதேச விமான நிலையத்திலிருந்து கட்டுநாயக்க விமான நிலையத்திற்கு ஒரு பெரிய பயணிகள் விமானம், A350-900, ஒவ்வொரு செவ்வாய், வியாழன் மற்றும் ஞாயிற்றுக்கிழமைகளிலும் காலை 10.45 மணிக்கு இயக்கப்படும்.

இலங்கைக்கான விமான சேவையை அதிகரிக்கும் வெளிநாட்டு விமான நிறுவனம் | Singapore Airlines Increases Flight To Sri Lanka

அதன்படி, மதியம் கட்டுநாயக்க விமான நிலையத்திற்கு வந்த முதல் தொடக்க விமானமான சிங்கப்பூர் ஏர்லைன்ஸ் விமானம் SQ-463, இன்று காலை 10.45 மணிக்கு கட்டுநாயக்க விமான நிலையத்தை அடைந்தது, அதில் 210 பயணிகள், 14 பணியாளர்கள் மற்றும் 12 மெட்ரிக் தொன் சரக்குகள் இருந்தன.

மேமாதம் முதல் அதிகரிக்கப்போகும் சேவை

பின்னர் விமானம் மதியம் 12.45 மணிக்கு கட்டுநாயக்க விமான நிலையத்திலிருந்து 276 பயணிகள், 14 பணியாளர்கள் மற்றும் 14 மெட்ரிக் தொன் சரக்குகளை ஏற்றிக்கொண்டு சிங்கப்பூரின் சாங்கி விமான நிலையத்திற்கு புறப்பட்டது.

சிங்கப்பூர் ஏர்லைன்ஸ் சேவை மே மாதம் முதல் வாரத்தில் ஏழு நாட்கள், ஒரு நாளைக்கு இரண்டு விமானங்களை, மதியம் ஒன்று மற்றும் மாலை ஒன்று என இயக்க திட்டமிடப்பட்டுள்ளது.