சிறிலங்காவில் ரணிலுக்கு எதிராக தலையெடுக்கும் எதிர்ப்பலை
தொல்பொருள் முக்கியத்துவம் மிக்க காணிகள் குறித்துப் பேசுவதற்கு அதிபர் ரணில் விக்ரமசிங்கவிற்கு எவ்வித அருகதையும் இல்லை என பேராசிரியர் மெதகொட அபயதிஸ்ஸ தேரர் தெரிவித்துள்ளார்.
தமிழர் தாயகப் பகுதிகளில் தொல்பொருள் திணைக்களத்தின் ஆக்கிரமிப்புகள் குறித்து ரணில் விக்ரமசிங்க அதிகாரிகளை கடுமையாக விமர்சித்திருந்த நிலையில், கண்டியிலுள்ள அஸ்கிரிய, மல்வத்து பீடங்களின் மகாநாயக்கர்களை சந்தித்துக் கலந்துரையாடிய பின்னர் குறித்த பிக்கு இதனைக் குறிப்பிட்டுள்ளார்.
எந்த அருகதையும் இல்லை
அவர் மேலும் தெரிவித்ததாவது, முன்னாள் அதிபர் கோட்டாபயவின் பதவிக்காலத்தின் எஞ்சிய பகுதியொன்றையே ரணில் விக்ரமசிங்க அதிபராக பதவி வகிக்கின்றார்.
அந்த வகையில் இலங்கையின் தொல்பொருள் முக்கியத்துவமிக்க காணிகள் குறித்து கருத்து வெளியிட அவருக்கு எந்த அருகதையும் இல்லை.
அது குறித்து முன்னாள் அதிபர் கோட்டாபய ராஜபக்ச வாய்திறந்து தனது கருத்தை முன்வைக்க வேண்டும். புத்தரின் கேச தாது வைக்கப்பட்ட இடத்தைக் கூட அதிபர் வெளிச்சவீடு என சித்தரிக்கின்றார். ஆனால் அந்த இடம் பௌத்தர்களுக்கு மிகப் புனிதமானதும் முக்கியமானதுமான இடமாகும்.
தொல்பொருள் முக்கியத்துவமிக்க இடங்கள்
கடந்த 2015 ஆம் ஆண்டிலும் மைத்திரிபால சிறிசேனவை அதிபராக பதவிக்குக் கொண்டு வந்து இதே போன்று தொல்பொருள் முக்கியத்துவமிக்க இடங்களை அழிவுக்குள்ளாக்க முயற்சிகள் மேற்கொள்ளப்பட்டன.
அதனை தடுத்து நிறுத்தவே 69 இலட்சம் மக்களின் வாக்குகள் கொண்டு கோட்டாபயவைப் பதவிக்குக் கொண்டு வந்தோம்.
வடக்கின் பிரிவினைவாதிகளின் வாக்குகளுக்காக தொல்பொருள் முக்கியத்துவம் கொண்ட இடங்களை யாருக்கும் பகிர்ந்தளிக்க நாம் ஒருபோதும் இடமளிக்க மாட்டோம்” - என்றார்.
நெடுந்தீவு, யாழ்ப்பாணம், மாத்தளை, மட்டக்களப்பு, கல்முனை, கிளிநொச்சி, கொழும்பு
05 Jan, 2025
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
புங்குடுதீவு, Le Blanc-Mesnil, France
09 Dec, 2022
