சுற்றுலாப் பயணிகளுக்கான விசா : நிராகரிக்கப்படும் வதந்திகள்!

Sri Lanka Tourism Immigration Department of Immigration & Emigration Tourist Visa

By Eunice Ruth Mar 28, 2024 03:06 PM GMT

Eunice Ruth

in இலங்கை

Report

இலங்கைக்கு பயணம் செய்யும் சுற்றுலாப் பயணிகளுக்கு நுழைவிசைவு வழங்குவதற்கு எந்தவொரு தனியார் நிறுவனமும் நியமிக்கப்படவில்லை என குடிவரவு மற்றும் குடியகல்வு திணைக்களத்தின் கட்டுப்பாட்டாளர் நாயகம் ஹர்ஷ இலுக்பிட்டிய தெரிவித்துள்ளார்.

வெளிநாட்டு சுற்றுலாப்பயணிகளுக்கான நுழைவிசைவு வழங்கும் நடவடிக்கையை தனியார் நிறுவனமொன்றிடம் ஒப்படைக்கும் திட்டம் முன்னெடுக்கப்படவுள்ளதாக தகவல்கள் வெளியாகியிருந்த நிலையிலேயே, அவர் இதனை தெரிவித்துள்ளார்.

அரசியல் ஆதிக்கம்

இலங்கைக்கு பயணம் செய்யும் வெளிநாட்டவர்களுக்கு நுழைவிசைவு வழங்கும் நடவடிக்கையை முன்னெடுக்கும் நிர்வாக அதிகாரிகள் அரசியல் ஆதிக்கத்தின் கீழ் செயல்படுவதாக குற்றம் சாட்டப்பட்டது.

சுற்றுலாப் பயணிகளுக்கான விசா : நிராகரிக்கப்படும் வதந்திகள்! | Sl Foreigners Visa Private Immigration Emigration

இதையடுத்து, குறித்த நடவடிக்கையை தனியார் நிறுவனமொன்றிடம் ஒப்படைக்கும் திட்டம் முன்னெடுக்கப்படவுள்ளதாக குடிவரவு மற்றும் குடியகல்வு திணைக்கள வட்டாரங்கள் தெரிவித்தன.

தனியார் நிறுவனம்

இந்த நிலையில், வெளிநாட்டு சுற்றுலாப் பயணிகளின் நுழைவிசைவு விண்ணப்பங்களை இணையவழியில் அனுப்புவதில் VFS-IVS GBS எனும் தனியார் நிறுவனம் ஈடுபடும் என ஹர்ஷ இலுக்பிட்டிய தெரிவித்துள்ளார்.