லாராவின் சாதனையை முறியடிக்கும் வாய்ப்பை நழுவ விட்ட தென்னாபிரிக்க வீரர்

West Indies cricket team South Africa National Cricket Team Zimbabwe national cricket team

By Sumithiran Jul 07, 2025 08:50 PM GMT

Sumithiran

in கிரிக்கெட்

Report

டெஸ்ட் கிரிக்கெட் போட்டியில் மேற்ிந்திய தீவுகள் முன்னாள் ஜாம்பவான் பிரைன் லாராவின் 400 ஓட்டங்கள் என்ற சாதனையை முறியடிக்கும் வாய்ப்பு இருந்தும் அதை நழுவவிட்டுள்ளார் தென்னாபிரிக்க அணித் தலைவர் வியான் முல்டர்.

சிம்பாப்வே அணிக்கு எதிராக புலாவாயோவில் நடைபெற்று வரும் இரண்டாவது டெஸ்ட் போட்டியிலேயே அவர் இந்த சாதனையை நழுவ விட்டவர் ஆனார்.

எனினும் வியான் முல்டர் 367 ஓட்டங்களை ஆட்டமிழக்காமல் (367*) எடுத்து, தென்னாபிரிக்க வீரர் ஒருவர் டெஸ்ட் கிரிக்கெட்டில் ஒரு இனிங்ஸில் எடுத்த அதிகபட்ச ஓட்டங்கள் என்ற சாதனையைப் படைத்துள்ளார்.

தென்னாபிரிக்க வீரர்களில் முதலிடம்

ஹஷிம் அம்லாவின் 311* ஓட்டங்கள் சாதனையை முறியடித்து அவர் இந்த சாதனையை படைத்துள்ளார். மேலும், அவர் டெஸ்ட் கிரிக்கெட் வரலாற்றில் முதல் இனிங்ஸில் அணித் தலைவராக அதிகபட்ச ஓட்டங்கள் (367*) எடுத்தவர் என்ற உலக சாதனையை நிலைநாட்டினார். நியூசிலாந்தின் கிரஹாம் டவுலிங்கின் 239 ஓட்டங்கள் (1968) சாதனை இதனூடாக அவர் முறியடித்துள்ளார்.

லாராவின் சாதனையை முறியடிக்கும் வாய்ப்பை நழுவ விட்ட தென்னாபிரிக்க வீரர் | South Africa Mulder Not To Chase Lara S Record

முல்டர் தனது 21ஆவது டெஸ்ட் போட்டியில், முதல் முறையாக தென்னாபிரிக்க அணியை வழிநடத்தி, இந்த வரலாற்று சாதனையைப் படைத்துள்ளார்.

அவர் 297 பந்துகளில் முச்சதம் (triple century) எட்டினார், இது டெஸ்ட் கிரிக்கெட்டில் இரண்டாவது வேகமான முச்சதமாகும் (வீரேந்தர் சேவாக்கின் 278 பந்துகள், 2008).

முறியடிக்கப்படாத லாராவின் சாதனை

எவ்வாறாயினும், முல்டர் பிரையன் லாராவின் 400* ஓட்டங்கள் என்ற சாதனையை முறியடிப்பார் என எதிர்பார்க்கப்பட்ட நிலையில், தென்னாபிரிக்க அணி 636/5 என்ற நிலையில் ஆட்டத்தை இடைநிறுத்தியது. இதன்போது, முல்டர் 367* ஓட்டங்களுடன் ஆட்டமிழக்காமல் இருந்தார்.

லாராவின் 400* ஓட்டங்கள் இதுவரை டெஸ்ட் கிரிக்கெட்டில் தனிநபர் ஒருவர் எடுத்த அதிகபட்ச ஓட்டங்களாக உள்ள நிலையில், இந்த சாதனை இன்னும் முறியடிக்கப்படவில்லை என்பது குறிப்பிடத்தக்கது.

செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...!

மேலும் இது தொடர்பான செய்திகளைப் படிக்க இங்கே கிளிக் செய்யவும்