வாக்குவாதம் மோதலாக மாறியதில் நபரை வெட்டிக்கொலை செய்து எரியூட்டிய பெண்!
தென்னிலங்கையில், நபர் ஒருவர் வெட்டிக்கொலை செய்யப்பட்டு எரியூட்டப்பட்டுள்ளதாகத் தெரிவிக்கப்பட்டுள்ளது.
இந்த படுகொலையை பெண் ஒருவரே செய்துள்ளதாக காவல்துறையினர் தெரிவித்துள்ளனர்.
சம்பவம் தொடர்பில் மேலும் தெரியவருகையில்,
பிபில நாகல பிரதேசத்தில் நபரொருவரை மன்னா கத்தியில் வெட்டிக் கொலை செய்த சந்தேகத்தின் பேரில் பெண் ஒருவர் கைது செய்யப்பட்டுள்ளார்.
கடைக்குச் சென்ற நபர் படுகொலை
படுகொலை செய்யப்பட்ட நபர் அதே பகுதியைச் சேர்ந்த 66 வயதுடையவர் எனவும் தெரிவிக்கப்பட்டுள்ளது.
சந்தேகத்தின் பேரில் கைது செய்யப்பட்டுள்ள பெண் நடத்தும் கடைக்கு சென்ற நபரே இவ்வாறு கொல்லப்பட்டுள்ளதாக காவல்துறையினர் தெரிவித்துள்ளனர்.
நேற்று பிற்பகல் குறித்த நபர் நாகல பிரதேசத்தில் உள்ள கடைக்கு வந்த னெ்ற போது, அந்த கடையை நடத்தும் பெண்ணிற்கும் குறித்த நபருக்கும் இடையே வாக்குவாதம் ஏற்பட்டுள்ளது.
வாக்குவாதம், மோதலாக மாறியதிலேயே இந்த கொலை சம்பவம் இடம்பெற்றதாக காவல்துறையினரின் ஆரம்பகட்ட விசாரணைகளில் இருந்து தெரியவந்துள்ளது.
தீவிர விசாரணையில் காவல்துறை
இந்த மோதலின் போதே சந்தேக நபரான பெண், மன்னா கத்தியால் வெட்டியுள்ளதாகவும் தெரிவிக்கப்படுகிறது.
அதன் பின்னர், கடையில் இருந்த பெற்றோல் போத்தலை எடுத்து இறந்தவரின் உடலில் வைத்து தீ வைத்து கொளுத்தியதாகவும் தெரிவிக்கப்படுகிறது.
சடலம் மஹியங்கனை வைத்தியசாலையின் பிரேத அறையில் வைக்கப்பட்டுள்ளது.
கொலைச் சம்பவம் தொடர்பான மேலதிக விசாரணைகளை பிபில காவல்துறையினர் ஆரம்பித்துள்ளனர்.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
உடுவில் தெற்கு, Stuttgart, Germany, Scarborough, Canada
10 Jun, 2025
புங்குடுதீவு 7ம் வட்டாரம், London, United Kingdom
30 Jun, 2012
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
