சிறிலங்காவின் அரச சொத்துக்களை கையகப்படுத்த முயற்சிக்கிறதா சீனா - வெளியானது உண்மை!
சிறிலங்காவிற்கு வழங்கிய கடனை மறுசீரமைப்பது கடினம் என சீனா அறிவித்துள்ளதாகவும், தேவைப்பட்டால், சீனக் கடனைப் பயன்படுத்தி இந்நாட்டில் ஆரம்பிக்கப்பட்டுள்ள திட்டங்கள் மற்றும் அரச சொத்துக்களை ஈடுசெய்ய தயாராக இருப்பதாக செய்திகள் வெளியாகியிருந்தன.
இந்நிலையில், சீனக் கடனைப் பயன்படுத்தி ஆரம்பிக்கப்பட்டுள்ள திட்டங்கள் மற்றும் அரச சொத்துக்களை கையகப்படுத்தத் திட்டமிடப்பட்டுள்ளதாக வெளியாகும் தகவல் முற்றிலும் பொய்யானது என சீனத்தூதரகம் தெரிவித்துள்ளது.
உண்மைத்தன்மையை வெளியிட்ட சீன தூதரகம்
இது தொடர்பில் தென்னிலங்கை ஊடகம் ஒன்று சீன தூதரகத்தை தொடர்புகொண்டு வினவியபோது, கையகப்படுத்தல் தொடர்பில் வெளியாகும் செய்தி உண்மைக்கு புறம்பானது என தூதரகத்தின் பேச்சாளர் ஒருவர் தெரிவித்தார் எனவும் தகவல் வெளியாகியுள்ளது.
இதேவேளை, மல்வத்து அஸ்கிரிய பீடங்களுக்கு நேற்று விஜயம் செய்த சீனத் தூதுவர் சி ஷென்ஹோங், ஊடகங்களுக்குக் கருத்துத் தெரிவிக்கையில்,
சீனாவிடம் இருந்து சிறிலங்கா சுமார் 7.1 பில்லியன் அமெரிக்க டொலர் கடனைப் பெற்றுள்ளது. இவ்வாறான நிலையில், பொருளாதார நெருக்கடியில் இருந்து இலங்கையை மீட்பதற்கு தொடர்ந்தும் சீனா உதவிகளை வழங்கும் எனத் தெரிவித்துள்ளார்.
சீனா வழங்கிய கடனே தடை
எனினும் இலங்கையின் பொருளாதார நெருக்கடியை ஒரே இரவில் தீர்க்க முடியாது எனவும் அவர் குறிப்பிட்டுள்ளார்.
இதேவேளை சர்வதேச நாணய நிதியத்தின் கடன் திட்டங்களுக்கு பிரதான தடையாக இருப்பது சீனாவினால் வழங்கப்பட்ட கடன்களை மறுசீரமைக்க அவர்கள் விரும்பாததே காரணம் எனவும் தெரிவிக்கப்பட்டுள்ளது.
புங்குடுதீவு 2ம் வட்டாரம், புங்குடுதீவு குறிகட்டுவான், கனடா, Canada
03 Nov, 2013
வேலணை மேற்கு 8ம் வட்டாரம், London, United Kingdom
03 Nov, 2024
சண்டிலிப்பாய், மானிப்பாய், London, United Kingdom, கனடா, Canada
02 Nov, 2020
