உலகில் அமைதியான நாடுகள் பட்டியலில் இலங்கைக்கு கிடைத்துள்ள இடம்!
உலகில் மிகவும் அமைதியான நாடுகள் தொடர்பான குறியீட்டு தரப்படுத்தல் பட்டியலில் இலங்கை முன்னேற்றமடைந்துள்ளது எனத் தெரிவிக்கப்பட்டுள்ளது.
இதனடிப்படையில், 2021 ஆம் ஆண்டு 103வது இடத்தில் இருந்த இலங்கை, 2022 ஆம் ஆண்டு தரப்படுத்தலின் படி 90 வது இடத்திற்கு முன்னேறியுள்ளது எனவும் தெரிவிக்கப்பட்டுள்ளது.
அதன்படி இலங்கைக்கு 90 வது இடம் கிடைத்துள்ளது. குளோபல் பீஸ் இன்டெக்ஸ்( Global Peace Index) இந்த தரப்படுத்தலை மேற்கொண்டுள்ளது.
நாடுகளின் தரப்படுத்தல்
பயங்கரவாத செயற்பாடுகள், அரசியல் ஸ்திரமின்மை, அரசியல் பயங்கரவாதம், அயல் நாடுகளுடனான உறவுகள், அகதிகள், இடம்பெயர்வுகள், உக்ரைன்-ரஷ்யா யுத்தம் ஆகிய பலவற்றை கவனத்தில் கொண்டு இம்முறை தரப்படுத்தல் மேற்கொள்ளப்பட்டுள்ளது.
2022 ஆம் ஆண்டில் உலகில் மிகவும் அமைதியான நாடுகள் பட்டியலில் ஐஸ்லாந்து முதலிடத்தை பிடித்துள்ளது. நியூசிலாந்து, அயர்லாந்து, டென்மார்க் மற்றும் ஒஸ்ரியா ஆகிய நாடுகள் முறையே முதல் 5 இடங்களில் உள்ளன.
பின்னுக்குத்தள்ளப்பட்ட ரஷ்யா
தரப்படுத்தலில் மிகவும் கீழ் மட்டத்தில் உள்ள 5 இடங்களில் ஆப்கானிஸ்தான், ஏமன், சிரியா, ரஷ்யா மற்றும் தென் சூடான் ஆகிய நாடுகள் உள்ளன. கடந்த 2021 ஆம் ஆண்டு 90 நாடுகளின் முன்னேற்றங்களுடன் ஒப்பிடும் போது இந்த ஆண்டு 71 நாடுகள் பின்னடைவை சந்தித்துள்ளன.
ஆப்கானிஸ்தான் தொடர்ந்தும் 5வது ஆண்டாக உலகின் மிகவும் ஆபத்தான நாடாக இருந்து வருகிறது. அத்துடன் உலக அமைதி குறியீட்டில் உக்ரைன் மிகப் பெரிய சரிவை பதிவு செய்துள்ளது.
ரஷ்ய படையினர், கிழக்கு ஐரோப்பிய நாடான உக்ரைனை ஆக்கிரமித்ததில் இருந்து, உக்ரை 17 இடங்கள் கீழ் நோக்கி சென்று 153வது இடத்தில் உள்ளது. அதேவேளை ஐஸ்லாந்து கடந்த 2008 ஆம் ஆண்டில் இருந்து உலகில் அமைதியான நாடுகளின் குறியீட்டில் தொடர்ந்தும் முதல் இடத்தில் இருந்து வருகிறது.
சீரழிவை எதிர்நோக்கியுள்ள நாடுகள்
மேலும் உக்ரைன், கினியா, புர்கினா பாசோ, ரஷ்யா மற்றும் ஹைட்டி ஆகிய ஐந்து நாடுகள் உலகில் அமைதியான நாடுகளின் குறியீட்டின் அடிப்படையில் மிகவும் சீரழிவை எதிர்நோக்கியுள்ள நாடுகளாகும்.
அதேவேளை எகிப்து, சவுதி அரேபியா, பிலிப்பைன்ஸ் மற்றும் அல்ஜீரியா நாடுகள் உலகில் அமைதியான நாடுகள் வரிசையில் முன்னேற்றமடைந்துள்ளன. இதனிடையே உலகில் மிகவும் அமைதியான பிராந்தியமாக ஐரோப்பா குறிப்பிடப்பட்டுள்ளதுடன் அங்குள்ள 10 நாடுகளில் 7 நாடுகள் மிகவும் பாதுகாப்பான நாடுகள் என கூறப்பட்டுள்ளது.
கடந்த ஆண்டு குறியீட்டு அறிக்கையில் மிக உயர்ந்த இடத்தில் இருந்த 8 ஐரோப்பிய நாடுகள் தற்போது முதல் 10 இடங்களுக்குள் இருக்கின்றன. போர்த்துக்கல் 6வது இடத்திலும் ஸ்லோவேனியா 7வது இடத்திலும் செக் குடியரசு 8வது இடத்திலும் உள்ளன.
சிங்கப்பூர் 9வது இடத்திலும் ஜப்பான் 10வது இடத்திலும் உள்ளன. சுவிஸர்லாந்து மற்றும் கனடா ஆகிய நாடுகள் 11 மற்றும் 12 இடங்களில் உள்ளன.
குருதியில் நனைந்த தம்பலகாமம்…! 16 மணி நேரம் முன்
இரண்டுமுறை பாரிய படுகொலைகளைச் சந்தித்த கொக்கட்டிச்சோலை…
5 நாட்கள் முன்
4th ward,Puthukkudiyiruppu, Mullaitivu, London, United Kingdom
04 Feb, 2011
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
கரணவாய், கண்டி, Enugu, Nigeria, Toronto, Canada, Los Angeles, United States
28 Jan, 2026
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
