ஐ.நா அமர்வில் சிறிலங்காவிற்கு மேலும் ஒரு பாதக நிலை - கூட்டத்தொடருக்கு விரையும் செயற்பாட்டாளர்!
சிறிலங்கா அரசாங்கத்துக்கு எதிரான போராட்டக்கள செயற்பாட்டாளர் ஒருவருக்கு ஐக்கிய நாடுகளின் மனித உரிமைகள் பேரவையின் கூட்டத்தொடரில் உரையாற்றுவதற்கான சந்தர்ப்பம் கிடைத்துள்ளது.
இதேவேளை இந்த விடயம் சிறிலங்கா அரசாங்கத்துக்கு பாதகமான நிலையை உருவாக்கியுள்ளது எனவும் தெரிவிக்கப்பட்டுள்ளது.
இது தொடர்பில் மேலும் தெரியவருகையில்,
ஐக்கிய நாடுகள் மனித உரிமைகள் பேரவையின் 51 ஆவது கூட்டத்தொடர் எதிர்வரும் 12 ஆம் திகதி முதல் ஒக்டோபர் 07 ஆம் திகதி வரை நடைபெறவுள்ளது.
ஜெனிவா அமர்விற்கு செல்லும் போராட்டக்கள செயற்பாட்டாளர்
இந்த நிலையில், ஐக்கிய நாடுகளின் மனித உரிமைகள் பேரவையின் கூட்டத்தொடரில் பங்கேற்பதற்காக சட்டத்தரணி நுவன் போபகே இன்று ஜெனிவாவுக்கு புறப்பட்டுச் சென்றுள்ளார்.
நீண்ட காலமாக தமது சங்கத்தின் சட்ட ரீதியான பணிகளில் ஈடுபட்டமை, காலி முகத்திடலில் முன்னெடுக்கப்பட்ட போராட்டத்தில் ஈடுபட்டமை காரணமாக ஜெனிவா அமர்வில் உரையாற்றுவதற்கான சந்தர்ப்பம் நுவான் போபகேவிற்கு கிடைத்துள்ளதாக அனைத்து பல்கலைக்கழக மாணவர் ஒன்றியத்தின் அறிக்கையில் தெரிவிக்கப்பட்டுள்ளது.
சர்வதேசத்திற்கான தெளிவுபடுத்தல்
அனைத்து பல்கலைக்கழக மாணவர் ஒன்றியம் மீதான அடக்குமுறை குறித்து அவர் சர்வதேசத்தை தெளிவுபடுத்தவுள்ளதாகவும் அந்த அறிக்கையில் தெரிவிக்கப்பட்டுள்ளது.
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
