மின் கட்டணம் செலுத்தாத எரிபொருள் நிரப்பு நிலையம் - துண்டிக்கப்பட்ட மின்சாரம்; வழங்கப்பட்ட அரசியல் அழுத்தம்!
யாழில் உள்ள எரிபொருள் நிரப்பு நிலையம் ஒன்று இலங்கை மின்சார சபைக்கு பெரும் தொகை மின் கட்டணம் செலுத்தாமல் விட்டுள்ளதாகத் தெரிவிக்கப்பட்டுள்ளது.
இதனால் மின் துண்டிப்பு மேற்கொள்ளப்பட்ட போதும் அரசியல் அழுத்தம் காரணமாக மீண்டும் வழங்கப்பட்டுள்ளதாகவும் தெரிவிக்கப்பட்டுள்ளது.
இது தொடர்பில் மேலும் தெரியவருகையில்,
யாழ்ப்பாணம் சுன்னாகம் பகுதியில் உள்ள எரிபொருள் நிரப்பு நிலையம் ஒன்று இலங்கை மின்சார சபைக்கு இலட்ச கணக்கில் மின் கட்டணம் செலுத்தாமல் உள்ளது.
அழுத்தம் காரணமாக வழங்கப்பட்ட மின்சாரம்
இதன் காரணமாக மின்சார சபை, நேற்றைய தினம் எரிபொருள் நிரப்பு நிலையத்திற்கான மின் துண்டிப்பை மேற்கொண்டது.
எனினும் சில நிமிடங்களில் அரசியல் மற்றும் பிற அழுத்தங்களால் மின்சார சபை, மீள மின்சாரத்தை வழங்கியுள்ளது எனவும் தெரிவிக்கப்பட்டுள்ளது.
எனவே சாதாரண மக்கள் சிறிய தொகைகளை செலுத்த தவறும் போதே மின் துண்டிப்புகளை செய்யும் இலங்கை மின்சார சபையினர் அரசியல்வாதிகள் இலட்ச கணக்கில் பணம் செலுத்த வேண்டியதாக உள்ள போதிலும் அவர்களுக்கு மின் துண்டிப்பை மேற்கொள்வதில்லை என பொதுமக்கள் ஆதங்கம் வெளியிட்டுள்ளனர்.
மக்கள் விசனம்
அதுமட்டுமன்றி தற்போது அரசியல்வாதிகளின் உறவினர்கள் மின் கட்டணம் செலுத்தாத போதிலும் அவர்களுக்கும் மின் துண்டிப்பினை மேற்கொள்ளாது மின்சார சபை தவிர்ப்பதும் பலர் மத்தியில் விசனத்தை ஏற்படுத்தி உள்ளது என்பதும் குறிப்பிடத்தக்கது.
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
