எப்ஸ்டீனின் ஆவணக் கோப்புக்களில் 188 முறை இலங்கையின் பெயர்...!
ஜெப்ரி எப்ஸ்டீன் (Jeffrey Epstein) ஆவணக் காப்பகத்தில் இலங்கையின் பெயர் 188 இடங்களில் இடம்பெற்றுள்ளதாக அறியப்படுகின்றது.
அமெரிக்க நீதித் திணைக்களத்தின் இணையதளத்தில் பதிவேற்றப்பட்டுள்ள சமீபத்திய தரவுகள் இதனை தெரிவிக்கின்றன.
இந்த ஆவணக் காப்பகத்தில் உள்ள மின்னஞ்சல்கள், பயண விபரங்கள் மற்றும் தொடர்புகளுக்கான குறிப்புகளை ஆய்வு செய்ததில், இலங்கை தொடர்பான பெயர்கள் பல இடங்களில் காணப்படுவதாக தெரிவிக்கப்படுகின்றது.
குற்றச் செயல்
இருப்பினும், இவை எப்ஸ்டீனின் குற்றச் செயல்களுடன் நேரடித் தொடர்புடையவை அல்ல என குறிப்பிடப்படுகின்றது.
குறிப்பாக, தனிநபர்கள் இலங்கைக்கு மேற்கொண்ட பயணம், தங்குமிட விபரங்கள், நேர வலயங்கள் மற்றும் கல்விசார் தகவல்கள் தொடர்பான பொதுவான உரையாடல்களிலேயே இலங்கை என்ற பெயர் பயக்படுத்தப்பட்டிருப்பதாக தெரிவிக்கப்படுகின்றது.
ஆவணங்களில் குறிப்பிடப்பட்டுள்ள நபர்கள், தாங்கள் இலங்கையில் இருந்ததாக அல்லது இலங்கைக்கு விஜயம் செய்யத் திட்டமிட்டிருப்பதாக சாதாரணமாகக் குறிப்பிட்டிருக்கும் தகவல்களே இதில் அதிகம் உள்ளதாக தகவல்கள் தெரிவிக்கின்றன.
சட்டவிரோத நடவடிக்கை
எப்ஸ்டீனின் சட்டவிரோத நடவடிக்கைகளுக்கான முக்கிய மையமாக இலங்கை இருந்ததற்கான எந்தவொரு ஆதாரமும் இந்தத் தேடல் முடிவுகளில் கண்டறியப்படவில்லை என சுட்டிக்காட்டப்படுகின்றது.
நீதிமன்ற நடவடிக்கைகளின் ஒரு பகுதியாக வெளியிடப்பட்டுள்ள இந்த ஆவணங்களில் உள்ள அனைத்துத் தகவல்களும் உறுதிப்படுத்தப்பட்டவை அல்ல என சட்ட வல்லுநர்கள் சுட்டிக்காட்டியுள்ளனர்.
இந்த ஆவணக் காப்பகத்தில் ஒரு நாட்டின் பெயரோ அல்லது தனிநபரின் பெயரோ குறிப்பிடப்படுவதால் மாத்திரம் அவர்கள் குற்றச் செயல்களில் ஈடுபட்டதாகக் கருத முடியாது எனவும், அவற்றைச் சூழலோடு (Context) ஒப்பிட்டே வாசிக்க வேண்டும் என்றும் அவர்கள் வலியுறுத்தியுள்ளனர்.
குறித்த மேலதிக உண்மைகளை வெளிக்கொண்டுவரும் நோக்கில், சர்வதேச ஊடக நிறுவனங்கள் இந்த ஆவணங்களை தொடர்ந்தும் ஆய்வு செய்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
