அதிபர் தேர்தலுக்காக நாடு திரும்பும் பசில்! பரபரப்பாகும் தென்னிலங்கை அரசியல்

SLPP Basil Rajapaksa Sri Lanka Politician Presidential Update Current Political Scenario

By Eunice Ruth Mar 03, 2024 05:16 PM GMT

Eunice Ruth

in அரசியல்

Report

சிறிலங்கா பொதுஜன பெரமுனவின் ஸ்தாபகரும் முன்னாள் அமைச்சருமான பசில் ராஜபக்ச எதிர்வரும் 5 ஆம் திகதி இலங்கைக்கு திரும்பவுள்ளார்.

கட்சியின் அரசியல் வட்டாரங்கள் இந்த தகவலை வெளியிட்டுள்ளன.

இலங்கையில் இந்த ஆண்டு நடைபெறவுள்ள தேர்தல்களை முன்னிட்டு, அவர் மீண்டும் நாடு திரும்ப திட்டமிட்டுள்ளதாக தெரிவிக்கப்பட்டுள்ளது.

தனிப்பட்ட பயணம்

அமெரிக்காவுக்கு தனிப்பட்ட பயணத்தை மேற்கொண்ட பசில் ராஜபக்ச, சுமார் இரண்டு மாதங்கள் அங்கு தங்கியிருந்தார்.

அதிபர் தேர்தலுக்காக நாடு திரும்பும் பசில்! பரபரப்பாகும் தென்னிலங்கை அரசியல் | Sri Lanka Politics Pohuttuva Basil Return America

தனது தனிப்பட்ட விடுமுறையை நிறைவு செய்து, அவர் நாடு திரும்பவுள்ளதாக அண்மையில் ராஜபக்சக்களின் உறவினர் ஒருவர் தெரிவித்திருந்தார்.

அத்துடன், மொட்டு கட்சியின் ஸ்தாபகருக்கு விமான நிலையத்தில் மாபெரும் வரவேற்பு வழங்கப்படுமெனவும் அவர் குறிப்பிட்டிருந்தார்.

நாடு திரும்பும் பசில்

இந்த நிலையில், எதிர்வரும் 5 ஆம் திகதி அவர் நாடு திரும்பவுள்ளதாக மொட்டு கட்சியின் அரசியல் வட்டாரங்கள் தகவல் தெரிவித்துள்ளன.

அவர் நாடு திரும்பியதன் பின்னர், அதிபர் தேர்தலுக்கு சிறிலங்கா பொதுஜன பெரமுனவை பிரதிநிதித்துவப்படுத்தும் பொருத்தமான வேட்பாளரை தெரிவு செய்வது தொடர்பில் நாடாளுமன்ற உறுப்பினர் குழுவுடன் கலந்துரையாடல் நடத்தப்படவுள்ளதாக தெரிவிக்கப்பட்டுள்ளமை குறிப்பிடத்தக்கது.