இறுதி போரில் இறங்குகிறேன்! நாள் குறித்தார் சரத் பொன்சேகா
ஓகஸ்ட் மாதம் 9 ஆம் திகதி ஊழல் ஆட்சியாளர்களை ஆட்சியில் இருந்து அகற்றுவதற்கான இறுதிப் போரில் தானும் தனது கட்சியும் இணையவுள்ளதாக ஐக்கிய மக்கள் சக்தியின் நாடாளுமன்ற உறுப்பினர் பீல்ட் மார்ஷல் சரத் பொன்சேகா தெரிவித்துள்ளார்.
அத்துடன், ஓகஸ்ட் 9 ஆம் திகதிக்கு பின்னர் தற்போதைய பிரதமர் தினேஷ் குணவர்தன இந்த நாட்டின் அதிபராக பதவியேற்க நேரிடலாம் எனவும் அவர் ஹெரிவித்தார்.
இன்று நாடாளுமன்றில் இடம்பெற்ற அவசரகால விவாதத்தின் போதே அவர் இதனை தெரிவித்தார்.
இராணுவத்துக்கு கிடைத்த பெருமையை பழுதாக்க வேண்டாம்
தொடர்ந்து கருத்துரைத்த அவர், " ஊழல் அரசியல்வாதிகளை பாதுகாக்க வேண்டாம். போராட்டக்காரர்கள் நாட்டுக்காக போராடினார்கள். அவர்கள் எங்களின் உறவினர்கள்.
எனவே அவர்கள் மீது தாக்குதல்களை மேற்கொள்ள வேண்டாம். இவ்வாறான தாக்குதல்கள் மூலம் இலங்கை இராணுவத்துக்கு கிடைத்த பெருமையை பழுதாக்க வேண்டாம்.
ஒரே கொள்கைக்காக ஒன்றிணைய வேண்டும்
இதேவேளை, போராட்டவாதிகள் மத்தியில் பல்வேறு கொள்கைகள் இருக்கின்றபோதும், ஒரே கொள்கைக்காக ஒன்றிணைய வேண்டும்.
ஓருவரை இருவரை அகற்றியதன் மூலம் தூய்மையான அரசியலை ஏற்படுத்தமுடியாது. எனவே எதிர்வரும் 9ஆம் திகதியன்று கொழும்பில் ஒன்றுக்கூடி ஊழல் அரசியல்வாதிகளுக்கு எதிராக போராட்டம் நடத்தப்படும்.
இந்தநிலையில் போராட்டவாதிகளுக்கு எதிராக நடவடிக்கைகளை மேற்கொள்ளவேண்டாம் என நான் அதிபர் ரணில் விக்ரமசிங்கவிடம் கேட்டுக்கொள்கிறேன்" எனக் குறிப்பிட்டார்.
மனித நாகரிகத்தில் உயிர்நாடியான காடுகள்! 23 மணி நேரம் முன்
பாரிய இனச்சிக்கல்களுக்கு வழிகோலிய தனிச்சிங்களச் சட்டம்….
4 நாட்கள் முன்
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
