சுற்றுலாத்துறை வருமானம் ஏப்ரலில் வீழ்ச்சி : வெளியான தகவல்

Sri Lanka Tourism Sri Lanka Economy of Sri Lanka Money CBSL

By Sathangani May 18, 2026 06:47 AM GMT

Sathangani

in சமூகம்

Report

2026 ஆம் ஆண்டின் ஏப்ரல் மாதத்தில் மொத்த சுற்றுலாத்துறை வருமானம் 157.1 மில்லியன் அமெரிக்க டொலர்களாக பதிவாகியுள்ளதாக இலங்கை மத்திய வங்கி தெரிவித்துள்ளது.

எனினும், 2025 ஏப்ரல் மாதத்தின் சுற்றுலா வருமானமான 256.7 மில்லியன் அமெரிக்க டொலர்களுடன் ஒப்பிடுகையில், இது 38.8 சதவீத வீழ்ச்சியை பதிவு செய்துள்ளதாக சுட்டிக்காட்டப்படுகின்றது.

2026 ஏப்ரல் மாதத்தில் நாட்டுக்கு வருகை தந்துள்ள வெளிநாட்டு சுற்றுலாப் பயணிகளின் எண்ணிக்கை 135,643 ஆகும் என சுற்றுலா அபிவிருத்தி அதிகார சபையின் புள்ளி விபரங்கள் தெரிவிக்கின்றன.

சுற்றுலாப் பயணிகளின் வருகை

அத்துடன், 2025 ஏப்ரல் மாதத்தில் 174,608 வெளிநாட்டு சுற்றுலாப் பயணிகளின் வருகையின் ஊடாக 256.7 மில்லியன் அமெரிக்க டொலர்கள் வருமானமாக ஈட்டப்பட்டிருந்தது.

சுற்றுலாத்துறை வருமானம் ஏப்ரலில் வீழ்ச்சி : வெளியான தகவல் | Sri Lanka Tourism Revenue Declines In April Cbsl

இதேவேளை, 2026 ஆம் ஆண்டின் ஜனவரி முதல் ஏப்ரல் வரையிலான காலப்பகுதியில் இலங்கைக்கு வருகை தந்துள்ள மொத்த வெளிநாட்டு சுற்றுலாப் பயணிகளின் எண்ணிக்கை 876,277 ஆக பதிவாகியுள்ளது.

இந்தநிலையில் குறித்த காலப்பகுதியில் ஈட்டப்பட்ட மொத்த சுற்றுலா வருமானம் 1,111 மில்லியன் அமெரிக்க டொலர்கள் என இலங்கை மத்திய வங்கியின் தரவுகள் சுட்டிக்காட்டுகின்றன.

இது, 2025 ஆம் ஆண்டின் இதே காலப்பகுதியில் பதிவான 896,884 சுற்றுலாப் பயணிகளின் வருகை மற்றும் 1,379 மில்லியன் அமெரிக்க டொலர்கள் வருவாயுடன் ஒப்பிடுகையில், சுற்றுலாப் பயணிகளின் வருகை 2.3 சதவீதமும், சுற்றுலா வருமானம் 19.4 சதவீதமும் வீழ்ச்சியடைந்துள்ளது.