விஜய்க்கு வாழ்த்தோடு எச்சரிக்கை விடுத்த ஸ்டாலின்...! சூடுபிடிக்க ஆரம்பமான புதிய ஆட்சி
தமிழகத்தின் புதிய முதலமைச்சராகப் பொறுப்பேற்றுள்ள தமிழக வெற்றிக் கழகத்தின் தலைவர் விஜய்க்கு முன்னாள் முதலமைச்சர் திரு. மு.க. ஸ்டாலின் தனது வாழ்த்துகளைத் தெரிவித்துள்ளார்.
முதலமைச்சராகப் பதவியேற்றதும் விஜய் கையெழுத்திட்டுள்ள மக்கள் நல அறிவிப்புகளை வரவேற்பதாகக் குறிப்பிட்டுள்ள ஸ்டாலின், அதேவேளையில் புதிய அரசு நிதிநிலை குறித்து முன்வைக்கும் விமர்சனங்களுக்குத் தனது எதிர்ப்பை வெளியிட்டுள்ளார்.
தனது சமூக வலைதளப் பக்கத்தில் பதிவொன்றை வெளியிட்டு அவர் இதனைத் தெரிவித்துள்ளார்.
மேலாண்மைத் திறன்
இது தொடர்பில் மேலும் தெரிவித்த அவர், ஆட்சிப் பொறுப்பை ஏற்றவுடனேயே அரசிடம் பணம் இல்லை என்ற ரீதியில் பேச வேண்டாம் என்று கேட்டுக்கொண்ட ஸ்டாலின், மக்களுக்குத் திட்டங்களைச் கொண்டு சேர்க்கத் தேவையானது நிதியை விட மேலான மேலாண்மைத் திறனும் மனமும்தான் என்று சுட்டிக்காட்டியுள்ளார்.
கடந்த ஐந்து ஆண்டுகளில் கொரோனா பெருந்தொற்று, இயற்கை பேரிடர்கள் மற்றும் ஒன்றிய பாஜக அரசின் நிதி நெருக்கடி எனப் பல்வேறு சவால்களுக்கு மத்தியில்தான் திமுக அரசு எண்ணற்ற மக்கள் நலத் திட்டங்களைச் சிறப்பாகச் செயல்படுத்தியது என்பதையும் அவர் நினைவுபடுத்தியுள்ளார்.
குறிப்பாக, கடந்த அரசு கடனை வைத்துவிட்டுச் சென்றுள்ளது என்ற விஜய்யின் குற்றச்சாட்டை மறுத்துள்ள ஸ்டாலின், தமிழகத்தின் கடன் அளவு அனுமதிக்கப்பட்ட வரம்பிற்குள்ளேயே இருப்பதாகவும் இது குறித்த முழு விவரங்களும் கடந்த பிப்ரவரி மாத வரவு செலவுத் திட்டத்தில் தெளிவாக விளக்கப்பட்டுள்ளதாகவும் தெரிவித்துள்ளார்.
பல வாக்குறுதிகள்
நிதிநிலை குறித்துத் தெரிந்தே மக்களுக்குப் பல வாக்குறுதிகளை அளித்துவிட்டு இப்போது கஜானா காலி எனக் கூறி மக்களைத் திசைதிருப்பக் கூடாது என்றும் அவர் எச்சரித்துள்ளார்.
இறுதியாக நடைமுறைக்குச் சாத்தியமானதை மட்டுமே வாக்குறுதிகளாக அளிக்கிறேன் எனத் தெரிவித்து ஆட்சிக்கு வந்துள்ள விஜய், தற்போதுதான் நிர்வாகத்திற்குள் நுழைந்திருப்பதாகக் குறிப்பிட்டுள்ள ஸ்டாலின், வருங்காலங்களில் எங்களைப் போலவே அரசு நிர்வாகத்தின் நுணுக்கங்களை அவரும் நிச்சயம் கற்றுக்கொள்வார் என நம்புவதாகக் குறிப்பிட்டுள்ளார்.
மேலும் தமிழ்நாட்டின் வளர்ச்சிப் பயணம் தொடர வேண்டும் என்றும் அவர் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
செஞ்சோலையில் 53 மாணவிகளை பலியெடுத்த கொடூரத்தை மறக்கத்தான் முடியுமா? 19 மணி நேரம் முன்
அம்பாறையை அதிரச் செய்த திராய்க்கேணி இனப்படுகொலை!
6 நாட்கள் முன்
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
பருத்தித்துறை, Kirchheim Unter Teck, Germany, சிவிக்ஸ் சென்டர்,வட்டக்கச்சி
11 Aug, 2025
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
