வீழும் ஹோர்முஸ் நீரிணையின் ஆதிக்கம்: அமெரிக்கா முன்னெடுக்கும் புதிய எரிசக்திப் பாதை
உலகளாவிய எண்ணெய் மற்றும் எரிவாயு விநியோகத்தில் மிக முக்கியப் புள்ளியாகக் கருதப்படும் ஹோர்முஸ் நீரிணையின் ஆதிக்கம் வரும் காலங்களில் குறையக்கூடும் என் அமெரிக்க எரிசக்தி செயலாளர் கிறிஸ் ரைட் தெரிவித்துள்ளார்.
சவூதி அரேபியா மற்றும் ஐக்கிய அரபு அமீரகம் உள்ளிட்ட மத்திய கிழக்கு நாடுகள் புதிய குழாய் வழித்தட வசதிகளை மேம்படுத்தி வருவதால் வளைகுடா பிராந்தியத்திலிருந்து எரிசக்தியை ஏற்றுமதி செய்வதற்கு ஹோர்முஸ் நீரிணையைத் தங்கியிருக்க வேண்டிய அவசியம் இல்லாத வேறு வழிகள் உருவாகும் என அவர் சுட்டிக்காட்டியுள்ளார்.
இது குறித்து ஊடகங்களுக்கு கருத்து தெரிவித்த அவர், ஹோர்முஸ் நீரிணையின் புவிசார் அரசியல் முக்கியத்துவம் குறைவதை நாம் காண்போம் என்று நான் நினைக்கிறேன் ஆனால் அந்த நாடுகளின் எரிசக்தி உற்பத்தித் திறன் மற்றும் விநியோகத்தின் முக்கியத்துவம் ஒருபோதும் குறையாது என குறிப்பிட்டுள்ளார்.
மிகச்சிறந்த கூட்டாளிகள்
வளைகுடா நாடுகள் அமெரிக்காவின் மிகச்சிறந்த கூட்டாளிகள் என்பதையும் உலகளாவிய எரிசக்தி சந்தையில் அவர்களின் பங்கு தவிர்க்க முடியாதது என்பதையும் அவர் இதன்போது வலியுறுத்தியுள்ளார்.
ஈரான் போர் மற்றும் ஹோர்முஸ் நீரிணை முடக்கம் காரணமாகப் பில்லியன் கணக்கான டொலர் இழப்புகள் ஏற்பட்டு வரும் சூழலில் இத்தகைய மாற்று வழித்தடங்கள் உலகப் பொருளாதாரத்திற்குப் பாதுகாப்பை வழங்கும் என எதிர்பார்க்கப்படுகிறது.
அந்தப் பிராந்தியத்தில் மீண்டும் செழிப்பு அமைதி மற்றும் பொருளாதார வளர்ச்சி திரும்புவதைக் காண அமெரிக்கா விரும்புவதாகவும் அதன் ஒரு பகுதியாகவே இந்த எரிசக்திப் போக்குவரத்து மாற்றங்கள் அமையும் என்றும் ரைட் நம்பிக்கை தெரிவித்துள்ளார்.
இந்தப் புதிய குழாய் வழித்தடங்கள் செயல்பாட்டுக்கு வரும் பட்சத்தில் கடல்வழி முற்றுகைகளால் ஏற்படும் எரிபொருள் தட்டுப்பாடு எதிர்காலத்தில் தவிர்க்கப்படலாம் எனப் பொருளாதார ஆய்வாளர்கள் கருதுகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
சாவகச்சேரி, குஞ்சுப்பரந்தன், கிளிநொச்சி, Scarborough, Canada
14 May, 2021
இடைக்காடு, Muscat, Oman, நியூ யோர்க், United States, Boston, United States
14 May, 2025
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
