தமிழ்நாட்டின் புதிய முதலமைச்சருக்கான பதவியேற்பு விழா இன்று
தமிழ் நாட்டின் புதிய முதலமைச்சருக்கான பதவியேற்பு விழா இன்று காலை 10 மணிக்கு சென்னை நேரு மைதானத்தில் நடைபெறவுள்ளது.
நடிகரும் அரசியல்வாதியுமான விஜய், தமிழக ஆளுநர் ஆர்.வி. அர்லேகரைச் சந்தித்து அரசு அமைக்க உரிமை கோரி தகவல்களின்படி இந்த பதவியேற்பு விழா நடைபெறவுள்ளது.
இதன்படி தமிழக ஆளுநர் ராஜேந்திர அர்லேகர், சனிக்கிழமையன்று தமிழக வெற்றி கழக (டிவிகே) தலைவர் சி. ஜோசப் விஜயை மாநிலத்தின் புதிய முதலமைச்சராக நியமித்து, மே 13-ஆம் திகதிக்குள் மாநில சட்டமன்றத்தில் தனது பெரும்பான்மையை நிரூபிக்குமாறு அவரிடம் கேட்டுக்கொண்டுள்ளார்.
ஆட்சி அமைப்பதற்கான உரிமை
அடுத்த அரசை அமைப்பதற்காக தமிழக வெற்றி கழகத்திற்கு (TVK) விடுதலைச் சிறுத்தைகள் கட்சியும் (VCK) இந்திய ஒன்றிய முஸ்லிம் லீக்கும் (IUML) நிபந்தனையற்ற ஆதரவை வழங்கியதைத் தொடர்ந்து, விஜய்யின் பலம் வாய்ந்த நிலைமைக்கு ஒரு முடிவு வந்ததாகத் தோன்றும் வேளையில், இந்த முக்கியத்துவம் வாய்ந்த நிகழ்வு இடம்பெறவுள்ளது.
முன்னதாக, நடிகராக இருந்து அரசியல்வாதியாக மாறிய அவர், ஆட்சி அமைப்பதற்கான தனது உரிமையை நிலைநாட்டுவதற்காக வெள்ளிக்கிழமை அன்று ஆளுநரைச் சந்தித்தார்.
அப்போது, 118 சட்டமன்ற உறுப்பினர்களின் ஆதரவை விஜய் நிரூபிக்காததால், அவர் முதலமைச்சராகப் பதவியேற்க இன்னும் அழைக்கப்படவில்லை என்று ஆளுநர் அலுவலக வட்டாரங்கள் தெரிவித்தன.
முன்னதாக, விஜய்யும் அர்லேகரும் புதன் மற்றும் வியாழக்கிழமைகளில் சந்தித்தனர். அந்த இரு சந்திப்புகளிலும், த.வ.க தலைவருக்கு அவையில் இன்னும் தேவையான ஆதரவு இல்லை என்று கூறி, ஆளுநர் அந்தக் கூற்றை நிராகரித்தார்.
அ.தி.மு.கவுக்குள் கிளர்ச்சி
இதற்கிடையில், தற்போது அ.தி.மு.கவுக்குள் ஒரு பெரிய கிளர்ச்சி உருவாகி வருவதாகவும், மூத்த தலைவர் சி.வி.சண்முகம் கட்சியைப் பிளவுபடுத்தத் திட்டமிடுவதாகவும் தகவல்கள் தெரிவிக்கின்றன.
தகவல்களின்படி, 30க்கும் மேற்பட்ட அதிமுக எம்.எல்.ஏ.க்கள் அவருக்கு ஆதரவளிக்கின்றனர், மேலும் சிலர் டி.வி.கே.வை ஆதரிக்க முனைகின்றனர்.
நேற்று புதுச்சேரியில் இருந்து எம்.எல்.ஏ.க்கள் திரும்பிய பிறகு, சென்னையில் உள்ள சண்முகத்தின் அலுவலகத்தில் எஸ்.பி.வேலுமணி, எம்.ஆர்.விஜயபாஸ்கர், நத்தம் விஸ்வநாதன் மற்றும் சி.விஜயபாஸ்கர் உள்ளிட்ட மூத்த தலைவர்கள் கூடி ஆலோசனை நடத்திய நிலையில், இச்சம்பவம் நிகழ்ந்துள்ளதாக இந்திய ஊடகங்கள் விளக்கியுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
செஞ்சோலையில் 53 மாணவிகளை பலியெடுத்த கொடூரத்தை மறக்கத்தான் முடியுமா? 19 மணி நேரம் முன்
அம்பாறையை அதிரச் செய்த திராய்க்கேணி இனப்படுகொலை!
6 நாட்கள் முன்
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
பருத்தித்துறை, Kirchheim Unter Teck, Germany, சிவிக்ஸ் சென்டர்,வட்டக்கச்சி
11 Aug, 2025
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
