தமிழ்கட்சிகளை ஒரே நிலைப்பாட்டிற்குள் கொண்டுவர சுவிஸ் கடும் முயற்சி : கொழும்பில் சிறப்பு சந்திப்பு
இனப்பிரச்சினைக்கான அரசியல் தீர்வு தொடர்பாக, அனைத்து தமிழ்த்தரப்புக்களையும், ஒருமித்த நிலைப்பாட்டிற்குள் கொண்டு வருவதற்கான முயற்சிகளில் சுவிட்சர்லாந்து ஈடுபட்டுள்ளது.
இதற்கமைய, சுவிஸ் தூதரகத்தின் ஏற்பாட்டில், எதிர்வரும் 19ஆம் திகதி தமிழ்த் தேசியக் கட்சிகளின் பிரதிநிதிகளுக்கு இடையிலான சிறப்பு சந்திப்பு ஒன்று, கொழும்பில் நடைபெறவுள்ளதாக தெரிவிக்கப்பட்டுள்ளது.
சந்திப்பில் கலந்து கொள்ளவுள்ளோர்
இந்தச் சந்திப்பில் இலங்கைத் தமிழ் அரசுக் கட்சி சார்பில், நாடாளுமன்ற உறுப்பினர்களான எஸ்.சிறிதரன், இரா.சாணக்கியன், ப.சத்தியலிங்கம், மற்றும் எம்.ஏ.சுமந்திரன் ஆகியோரும்,
தமிழ்த் தேசிய மக்கள் முன்னணியின் நாடாளுமன்ற உறுப்பினர் கஜேந்திரகுமார் பொன்னம்பம் மற்றும் கட்சி தீர்மானிக்கும் ஒருவரும்,
ஜனநாயக தமிழ்த் தேசியக் கூட்டணியின் சார்பில் முன்னாள் நாடாளுமன்ற உறுப்பினர் சுரேஷ் பிரேமசந்திரன் மற்றும் கூட்டணி தீர்மானிக்கும் ஒருவரும் கலந்து கொள்ளவுள்ளனர்.
ஒருமித்த நிலைப்பாட்டுக்கு வருவது பற்றி கலந்துரையாடல்
சிவில் சமூகத்தின் சார்பில் மூத்த சட்டவாளர் குமாரவடிவேல் குருபரன் அழைக்கப்படவுள்ளார் என்றும் தெரிவிக்கப்பட்டுள்ளது.
சுவிட்சர்லாந்து தூதுவர் சிறி வோல்ட்டின் (Siri Walt)மத்தியஸ்தத்தில் நடைபெறவுள்ள இந்தச் சந்திப்பின்போது, தமிழர்களுக்கான அரசியல் தீர்வு விடயத்தில் அனைத்து தமிழ்த்தரப்புக்களும் ஒருமித்த நிலைப்பாட்டுக்கு வருவது பற்றி கலந்துரையாடப்படும் என தகவல்கள் தெரிவிக்கின்றன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
அனலைதீவு 7ம் வட்டாரம், வட்டக்கச்சி, பிரான்ஸ், France
22 Jan, 2025
புங்குடுதீவு 3ம் வட்டாரம், கோண்டாவில்
10 Feb, 1996
வேலணை புளியங்கூடல், ஊர்காவற்துறை
05 Feb, 2016
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026