கடந்த ஆண்டை விடவும் வரி வருவாயில் பதிவான பெரும் மைல்கல்!
Dilakshan
in பொருளாதாரம்
2026-ஆம் ஆண்டின் முதல் மூன்று மாதங்களில், இறைவரி திணைக்களம் ரூ. 606,002 மில்லியன் வரி வருவாயை வசூலித்துள்ளது.
2025-ஆம் ஆண்டின் முதல் காலாண்டில் பதிவான வரி வருவாயுடன் ஒப்பிடுகையில், இது 17.7 வீதம் என்ற குறிப்பிடத்தக்க வளர்ச்சியாகும் என திணைக்களம் தெரிவித்துள்ளது.
வருமான வரி, பெறுமதி சேர் வரி (VAT) மற்றும் சமூகப் பாதுகாப்பு பங்களிப்பு வரி உள்ளிட்ட அனைத்து வகையான வரிகளும் இந்த உயர் வருவாய் சாதனைக்கு பங்களித்துள்ளன.
மொத்த வரி வருவாய் இலக்கு
இந்த ஆண்டு அடைந்த முன்னேற்றத்தின் ஒரு குறிப்பிடத்தக்க சிறப்பம்சம் என்னவென்றால், 2026-ஆம் ஆண்டிற்காக அரசாங்கம் எதிர்பார்த்திருந்த மொத்த வரி வருவாய் இலக்கில் 25 வீதம் முதல் காலாண்டிலேயே எட்டப்பட்டது என்பதாகும்.
வரி நிர்வாக அமைப்பைச் சீரமைத்ததும், வரி செலுத்துவோரின் பங்களிப்புகள் அதிகரித்ததும் இந்த நேர்மறையான வளர்ச்சிக்கு முக்கியக் காரணங்கள் என்று பொருளாதார ஆய்வாளர்கள் கூறியுள்ளார்.
இந்த ஆண்டின் வரும் காலத்தில் இந்தப் போக்கைத் தக்கவைத்துக் கொள்வது, அரசாங்கத்தின் நிதி நிலைத்தன்மையை உறுதி செய்வதில் முக்கியப் பங்கு வகிக்கும் என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
