தாளையடி கடற்கரைக்கு செல்லும் சுற்றுப்பயணிகளுக்கு விடுக்கப்பட்டுள்ள எச்சரிக்கை!

Sri Lankan Tamils Tamils Jaffna Sri Lanka Tourism Tourism

By Independent Writer Jan 05, 2026 12:08 AM GMT

Independent Writer

in சமூகம்

Report

எச்சரிக்கையை மீறி தாளையடி கடலுக்குள் வெளிநாட்டு சுற்றுலாவாசிகள் இறங்குவதாக தெரிவிக்கப்படுகின்றது.

வெளிநாடு மற்றும் இலங்கையின் பல பகுதிகளில் இருந்து அதிகளவு சுற்றுலா பயணிகள் வந்து செல்லும் யாழ்ப்பாணம் வடமராட்சி கிழக்கு தாளையடி கடற்கரைக்கு வருகின்றனர்.

இருப்பினும் இவ் கடற்கரையானது பாதுகாப்பு இன்றி காணப்படுவதால் கடல் பரப்புக்குள் இறங்க வேண்டாம் என வடமராட்சி கிழக்கு பொது அமைப்புகள் அதிவித்த போதும் அதனை பொருப்பெடுக்காமல் கடற்கரைக்கு வரும் சுற்றுலா வாசிகள் கடலுக்குள் இறங்கி நீராடுகின்றனர்.

சுற்றுலாவாசிகள்

இந்தநிலையில், நேற்றைய தினமும் (04) அதிகளவான சுற்றுலாவாசிகள் மது போதையில் கடலின் ஆழமான பகுதிக்குள் சென்று நீராடி புகைப்படங்கள் எடுத்துள்ளனர்.

தாளையடி கடற்கரைக்கு செல்லும் சுற்றுப்பயணிகளுக்கு விடுக்கப்பட்டுள்ள எச்சரிக்கை! | Thalaaddy Sea Tourist Safety Alert Issued

இதனை அவதானித்த ஊர் மக்கள் கடலின் தன்மை தொடர்பாக அவர்களுக்கு கூறிய போதும் அதனை செவிமடுக்காமல் நீராடியுள்ளனர்.

இச்சம்பவம் தொடர்பாக பருத்தித்துறை பிரதேச சபை தவிசாளர் யுகதீற்கு அறிவித்த போது அவர் சம்பவ இடத்திற்கு வருகை தந்து கடலுக்குள் இறங்க வேண்டாம் என சுற்றுலா வாசிகளிடம் கூறி சென்றுள்ளார்.

சுற்றுலாவாசிகள்

வடமராட்சி கிழக்கு கடற்கரைக்கு வரும் சுற்றுலாவாசிகள் கவனத்திற்கு தெரிவிக்கப்பட்டுள்ளதாவது,

மாரி காலம் என்று அழைக்கப்படும் கார்த்திகை மற்றும் மார்கழி மாதங்களில் கடல் கொந்தளிப்பாக காணப்படுவதால் இந்த காலப்பகுதியில் கடலுக்குள் நீராடுபவர்கள் உயிரிழப்பதற்கான வாய்ப்புகள் இருக்கின்றன.

காவல்துறையினர் மற்றும் கடற்தொழில் அமைச்சருடன் கலந்தாலோசித்து விட்டு கார்த்திகை மற்றும் மார்கழி தை மாதங்களில் கடலில் இறங்குவதற்கு தடை விதிக்கப்படும்.

தாளையடி கடற்கரை பகுதியில் பாதுகாப்பை பலப்படுத்துவதற்காக நாங்கள் ஆலோசனைகளை மேற்கொண்டு வருகின்றோம்.

அத்தோடு இரண்டு பாதுகாவலர்கள் பணி அமர்த்தப்படுவதற்கான முயற்சிகளை மேற்கொண்டுவருகின்றோம்.

தாளையடி கடற்கரைக்கு வரும் சுற்றுலா பயணிகள் பாதுகாப்பு எச்சரிக்கைகளை கருத்தில் கொண்டு செயற்படுங்கள் மற்றும் உங்கள் பாதுகாப்பு கருதி புகைப்படங்கள் எடுக்கும் போது ஆழமான பகுதிளுக்குள் செல்ல வேண்டாம் என அறிவுருத்தப்பட்டுள்ளது.