யாழில் லாப்ஸ் எரிவாயு விநியோக வாகனத்தை முற்றுகையிட்ட மக்கள்

Sri Lanka LAUGFS Gas PLC Laugfs Gas Price

By Shalini Balachandran Dec 02, 2024 02:35 AM GMT

Shalini Balachandran

in சமூகம்

Report

புதிய இணைப்பு

யாழில் (Jaffna) கடந்த ஒரு மாத காலமாக லாஃப் எரிவாயு முற்றாக இல்லாத நிலையில் நேற்று விநியோகம் இடம்பெறுவதனால் மக்கள் அலைமோதியாதாக எமது செய்தியாளர் தெரிவித்துள்ளார்.

எனினும் யாழ். பருத்தித்துறை வியாபார நிலையங்களில் மட்டுப்படுத்தப்பட்ட அளவில் எரிவாயு விநியோகம் இடம்பெற்றதாகவும் தெரிவிக்கப்படுகின்றது.

இந்நிலையில் நாட்டில் நிலவும் லாப்ஸ் எரிவாயு தட்டுப்பாடு குறித்து அரசாங்கம் அவதானம் செலுத்தியுள்ளதாக வர்த்தக அமைச்சர் வசந்த சமரசிங்க தெரிவித்துள்ளமை குறிப்பிடத்தக்கது.

முதலாம் இணைப்பு

சமையல் எரிவாயுவை இறக்குமதி செய்து நுகர்வோருக்கு வழங்குவதற்கு லாஃப் எரிவாயு நிறுவனம் தலையிடத் தவறினால் அரசாங்கம், உரிய தீர்மானத்தை எடுக்கும் என எச்சரிக்கப்பட்டுள்ளது.

யாழில் லாப்ஸ் எரிவாயு விநியோக வாகனத்தை முற்றுகையிட்ட மக்கள் | The Gov Publicly Warned The Laughing Gas Company

குறித்த எச்சரிக்கையை வர்த்தக, உணவு பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்க (Wasantha Samarasinghe) விடுத்துள்ளார்.

இதனுடன், லிட்ரோ கேஸ் மூலம் வழங்கப்படும் சமையல் எரிவாயுவுக்கு தட்டுப்பாடு இல்லை என அவர் செய்தியாளர்களிடம் தெரிவித்துள்ளார்.

எரிவாயு நிறுவனம்

இது தொடர்பாக செய்தியாளர்களிடம் மேலும் தெரிவிக்கையில், “இலங்கையில் லிட்ரோ மற்றும் லாஃப் ஆகிய இரண்டு சமையல் எரிவாயு நிறுவனங்கள் செயற்படுகின்றன.

லிட்ரோ எரிவாயுவிற்கு தற்போது தட்டுப்பாடு இல்லாத போது, லாஃப் எரிவாயுவுக்கு சந்தையில் பற்றாக்குறை ஏற்பட்டதற்கான காரணங்களை அந்த நிறுவனம் விளக்க வேண்டும்.

இந்தநிலையில், லாஃப் நிறுவனம், எரிவாயுவை இறக்குமதி செய்து வழங்குவதில் தலையிடத் தவறினால், அரசாங்கம் ஒரு முடிவை எடுக்க வேண்டியேற்படும்.

லிட்ரோ எரிவாயு கையிருப்பு போதுமானதாக இருப்பதால், லாப் எரிவாயு நுகர்வோர் எதிர்கொள்ளும் பிரச்னைகளுக்கு தீர்வு காண எரிவாயு கொள்கலன்களை மாற்ற வேண்டும் என்றால், அது குறித்து அரசு விரைவில் முடிவெடுக்கும்” என அவர் தெரிவித்துள்ளார்.