மதிய உணவை தாமதமாக சாப்பிடும் பழக்கமுடையவரா நீங்கள்..? அப்போ உங்களுக்காக தான் இந்த பதிவு..!

நாம் நமது அன்றாட வாழ்வில் பலவகையான வேலைகளில் ஈடுபடுகிறோம்.

நமது கடமைகளில் நாம் எவ்வாறு சரியாக இருக்க வேண்டும் என கருதுகிறோமோ அப்படித்தான் நமது உணவு முறைகளிலும் நாம் கவனம் செலுத்த வேண்டும்.

நமக்கு பசிக்கும் போது உணவு உட்கொண்டால் போதும் என்று நினைப்பது தவறு.

சரியான நேரத்திற்கு

காலை, மதியம், இரவு என்று 3 வேளையும் சரியான நேரத்திற்கு உணவினை உட்கொள்ள வேண்டும். நாம் உணவு உட்கொள்வதில் கவனம் செலுத்தாமல், தாமதமாக உணவு உட்கொள்ளுவது நமது உடலில் பலவகையான பிரச்சனைகளை ஏற்படுத்துகிறது.

குறிப்பாக ஆரோக்கியமான மற்றும் சத்தான மதிய உணவை உட்கொள்வது முக்கியமானது. இது நாள் முழுவதும் நீங்கள் செய்யும் செயல்களுக்கு ஆற்றலை வழங்க உதவுகிறது.

பலர் தங்களது வேலைப்பளு காரணமாக நேரம் தாமதமாக சாப்பிடுகிறார்கள் அல்லது முற்றிலும் தவிர்க்கிறார்கள்.

தலைவலி, வாயுப் பிரச்சனையை

சரியான நேரத்தில் மதிய உணவு சாப்பிடாதது பெரும்பாலும் தலைவலி, வாயு பிரச்சனையை ஏற்படுத்தும். ஊட்டச்சத்து நிபுணர்கள் இதுகுறித்து கூறுகையில், மதிய உணவு சாப்பிடுவதற்கு உகந்த நேரம் காலை 11 முதல் 1 மணி வரை என்று கூறுகிறார்ள்.

இந்த உரிய நேரத்திற்குள் மதிய உணவை உட்கொள்ள தவறும் பட்சத்தில் உடல்நிலையில் பிரச்சினைகள் ஏற்படுகிறது.

அந்தப் பிரச்சனைகளை எவ்வாறு சரிசெய்ய வேண்டும் என்பது பற்றி பார்ப்போம்.

அமிலத்தின் செறிவை 

மதிய உணவை தாமதமாக சாப்பிடும் பழக்கம் உடையவர்கள் தண்ணீரை மெதுவாக அருந்துமாறு பரிந்துரைக்கிறார்கள்.

அதிகளவு நீரை அருந்துவது உடல் சோர்வைக் குறைப்பது மாத்திரமல்லாமல் இரைப்பையில் சுரக்கும் அமிலத்தின் செறிவை குறைத்து சமிபாட்டுத் தொகுதியில் ஏற்படக்கூடிய கோளாறுகளை குறைக்கவும் உதவுகிறது.

இப்போதுள்ள இந்த வெப்பமான காலப்பகுதியில் அதிகளவு நீர் அருந்துவது உடற் சூட்டைக் குறைத்து உடல் ஆரோக்கியத்தைப் பேண உதவுகிறது.

பழங்களை சாப்பிடுவதனால்

மதிய உணவு சாப்பிட்ட பின், வாழைப்பழம், பப்பாளி, தர்பூசணி போன்ற பழங்களை சாப்பிடலாம். உங்களிடம் பழம் இல்லையென்றால், சில பேரீச்சம்பழங்களையும் சாப்பிடலாம்.

பழங்களை சாப்பிடுவதனால் உடல் வளர்ச்சிக்குத் தேவையான நார்ச்சத்து மற்றும் கனியுப்புக்கள் கிடைப்பதனால் தாமதமாக மதிய உணவை உட்கொள்வதனால் உருவாகும் பிரச்சனைகளை குறைக்க முடியும்.

வெல்லம் சாப்பிடலாம்

தாமதமான மதிய உணவை சாப்பிட்டால், சாப்பிட்ட பின் சிறிது வெல்லம் சாப்பிடலாம் என பரிந்துரைக்கிறார்கள்.

தேவையற்ற தலைவலி, வாயு மற்றும் அமிலத்தன்மையைத் தடுக்க இந்த வழிமுறைகள் உதவும் என நிபுணர்கள் தெரிவிக்கிறார்கள்.

அதிகப்படியான பிரச்சனைகள் ஏற்படும் போது மருத்துவர்களை அணுகுவது நல்லது.

அதே சமயம் நாம் உணவில் கவனம் செலுத்தி தாமதமாக சாப்பிடுவதைத் தவிர்த்து, சரியான நேரத்திற்கு சாப்பிட முயற்சி செய்வது சிறந்தது.