சிறிலங்கா அரசின் கடைசி ஆயுதம் - நாட்டு மக்களுக்கு முக்கிய எச்சரிக்கை..!

நம் நாட்டில் ஒவ்வொரு முறையும் திவாலாகிப்போன அரசியல்வாதிகள் தங்கள் அரசாங்கங்களைக் காப்பாற்ற கடைசி துருப்புச் சீட்டாக இனவெறி அல்லது மதவெறியைப் பயன்படுத்தினார்கள், தற்போதும் அதனை பயன்படுத்த முனைவதாக ஜே.வி.பி.யின் பொதுச் செயலாளர் ரில்வின் சில்வா தெரிவித்துள்ளார்.

மேலும், மக்களால் நிராகரிக்கப்பட்ட ராஜபக்ச மற்றும் ரணில் விக்ரமசிங்க குழுவினர், இந்தத் தருணத்திலும் அரசியலில் தொங்குவதற்கு இனவாதத்தையும், மதவெறியையும் கடைசி அஸ்திரமாக பயன்படுத்துகின்றனர்.

எனவே இவ்வாறான சம்பவங்கள் தொடர்பில் மக்கள் மிகவும் பொறுமையாக இருக்குமாறு கேட்டுக்கொள்கின்றோம் எனவும் தெரிவித்தார்.

இனவாத - மதவாத சக்திகள் 

மேலும், சமீபகாலமாக மதவாத உரைகள் மற்றும் அறிக்கைகளின் அடிப்படையில் பெரும் பரபரப்பு ஏற்பட்டுள்ளது.

எமது நாட்டின் இனவாத, மதவாத சக்திகள் அண்மைக்காலமாக தோற்கடிக்கப்பட்டுள்ளன. கடந்த காலத்தில் நடந்த மக்கள் எழுச்சியும், அந்தப் போராட்டத்தின் மூலம் அனைத்து மக்களும், மதங்களும், தேசங்களும் ஒன்று சேர்ந்தன. இதனால், இனவாதம் தோற்கடிக்கப்பட்டதுடன், தேசிய ஒருமைப்பாட்டிற்கான அணுகு முறையும் ஏற்பட்டது.

எமது நாட்டில் நிலவும் தேசிய, மத ஒற்றுமையின்மை காரணமாக உயிரையும், இரத்தத்தையும் மிக அதிகளவில் செலுத்திவிட்டோம். மீண்டும் எங்களுக்குள் அல்லது மதங்களுக்கு இடையிலான மோதல்கள் தேவையில்லை.

மக்களின் உண்மையான பிரச்சினைகளை மறக்கடித்து மக்களின் உள்ளங்களில் உள்ள உணர்வுப்பூர்வமான பகுதிகளை கிளறிவிடுவதற்கு அவற்றை உருவாக்குபவர்கள் எடுக்கும் முயற்சிகளை நிராகரிக்குமாறு கேட்டுக்கொள்கிறோம் எனவும் தெரிவித்தார்.

கடைசி துருப்புச் சீட்டு

மத நம்பிக்கைகள் குறித்து நாம் கவனமாக இருக்க வேண்டும். மத நம்பிக்கைகள் மக்களின் இதயத்தில் உள்ளது. இது அறிவியலுடன் தொடர்புடையது அல்ல.

அறிவியலும் மதமும் தனித்தனியாகப் படிக்கப்படுகின்றன. ஒவ்வொருவரும் தங்கள் மதத்தின் போதனைகளை நம்புகிறார்கள். தங்கள் மதத்தின் தலைவரின் குணாதிசயங்களின் நிகழ்வுகளை நம்புகின்றனர்.

இத்தகைய நம்பிக்கைகளுக்குத் தீங்கு விளைவிப்பது ஒரு சமூகத்தின் பொதுவான இருப்புக்குக் கேடு விளைவிக்கும். சிலரின் மத நம்பிக்கைகள் புண்படுத்தப்பட்டால், அது அவர்களை காயப்படுத்துகிறது.

இது அனைத்து மதங்களையும் சமமாக பாதிக்கிறது. மதத் தலைவர்களை, மதச் சின்னங்களை, மதத் தலைவர்களின் குணாதிசயங்களை அவமதிப்பதும், கேலி செய்வதும் ஒரு சமூகத்தின் நல்வாழ்வுக்கு நல்லதல்ல.

நம் நாட்டில் ஒவ்வொரு முறையும், திவாலாகிப்போன அரசியல்வாதிகள் தங்கள் அரசாங்கங்களைக் காப்பாற்ற கடைசி துருப்புச் சீட்டாக இனவெறி அல்லது மதவெ றியைப் பயன்படுத்தினர். தற்போதும் அதனை பயன்படுத்த முனைவதாகவும் தெரிவித்தார்.