தியாக தீபம் திலீபனின் அறவழித் தடத்தின் இறுதி நாள் 'நாளை'
தமிழர் தாயகத்திலே 35 வருடங்களுக்கு முன்னர் முதன்மை தியாகியாக திகழ்ந்த தியாக தீபம் திலீபனின் அறவழித் தடத்தின் இறுதி நாள் நாளை.
இந்தியாவிடம் தாயகத்திற்கு நீதிகோரி 12 நாட்கள் நடத்திய ஈகப் பயணத்தில் இன்றைய நாள் அவரது உடலின் சகல உறுப்புகளும் உணர்ச்சியிழக்க ஆரம்பித்தன.
அந்த நாட்களில் நீர் மற்றும் உணவு கிட்டாத அவரது உடலில் எதிர்பார்க்கக்கூடிய இயங்கியல் முடக்கம் கவலைக்குரிய வகையிலே இருந்தது.
15.09.1987 தொடக்கம் 26.09.1987 வரையான 12 நாட்கள் அகிம்சை வழியில் யாழ்.நல்லூரில் நீராகாரம் அருந்தாமல் உண்ணாவிரதப் போராட்டம் நடாத்திய அவர், தனது உயிரைத் தியாகம் செய்து கொண்டார்.
ஈழத்தமிழ் மக்களின் விடிவிற்காய் ஐந்து அம்சக் கோரிக்கையை முன்வைத்து நல்லூர் முன்றலில் ஆகுதியாகிய திலீபனின் நினைவேந்தல் நிகழ்வுகள், அவரது நினைவுச்சிலை அமைந்துள்ள இடத்தில் கடந்த 15 ஆம் திகதி முதல் ஆரம்பிக்கப்பட்டு 26 ஆம் திகதி வரையான 12 நாட்கள் தொடர்ந்து நடைபெறுகிறது.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
